മലപ്പുറം ജില്ലയിലെ എടവണ്ണയിൽ മന്ത്രവാദ ചികിത്സയുടെ മറവിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവ് പിടിയിലായി. ജിലാനി തങ്ങൾ എന്ന പേരിൽ അറിയപ്പെട്ടിരുന്ന കുണ്ടുതോട് സ്വദേശി ജസീൽ ആണ് അറസ്റ്റിലായത്.
മന്ത്രവാദ ചികിത്സ നൽകാമെന്ന് വിശ്വസിപ്പിച്ച് 17 കാരിയായ പെൺകുട്ടിയെ തന്റെ വീട്ടിലേക്ക് വിളിച്ചുവരുത്തി പീഡനത്തിനിരയാക്കിയെന്നാണ് പ്രധാന പരാതി. പ്രതിയുടെ എടവണ്ണ കുണ്ടുതോടിലുള്ള വസതിയിൽ വെച്ചാണ് ഈ അതിക്രമം അരങ്ങേറിയത്.
പെൺകുട്ടിയുടെ മാതാവ് നേരത്തെ ഇയാളുടെ അടുത്ത് ചികിത്സയ്ക്കായി എത്തിയിരുന്നു. ഈ പരിചയം മുതലെടുത്ത് മാതാവുമായി സൗഹൃദം സ്ഥാപിച്ച ശേഷമാണ് പ്രതി പെൺകുട്ടിയെ പീഡനത്തിന് ഇരയാക്കിയത്.
നടന്ന സംഭവങ്ങൾ പെൺകുട്ടി വീട്ടിൽ തുറന്നുപറഞ്ഞതിനെത്തുടർന്ന് ബന്ധുക്കൾ എടവണ്ണ പൊലീസിൽ ഔദ്യോഗികമായി പരാതി നൽകുകയായിരുന്നു. ഇതിനു പിന്നാലെ പ്രതിയും പെൺകുട്ടിയുടെ അമ്മയും ഒളിവിൽ പോയി.
തുടർന്ന് ബന്ധുക്കൾ മണ്ണാർക്കാട് പൊലീസിൽ മിസ്സിംഗ് കേസും ഫയൽ ചെയ്യുകയുണ്ടായി. രണ്ടു മാസത്തിലേറെക്കാലം കേരള-കർണാടക അതിർത്തി പ്രദേശമായ ആനക്കല്ലിൽ ഒളിവിൽ കഴിഞ്ഞിരുന്ന ഇരുവരേയും എടവണ്ണ പൊലീസും നിലമ്പൂർ സ്ക്വാഡും ചേർന്ന് സംയുക്തമായി നടത്തിയ നീക്കത്തിലൂടെ കണ്ടെത്തുകയും നാട്ടിൽ എത്തിക്കുകയും ചെയ്തു.
മന്ത്രവാദത്തിന്റെയും വ്യാജ ചികിത്സയുടെയും മറവിൽ ഇയാൾ മറ്റാരെയെങ്കിലും ചൂഷണം ചെയ്തിട്ടുണ്ടോ എന്ന കാര്യത്തിൽ പൊലീസ് സമഗ്രമായ അന്വേഷണം ആരംഭിച്ചിട്ടുണ്ട്. പോക്സോ നിയമപ്രകാരം കേസെടുത്ത് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
