ചെറിയ ലാപ്ടോപ്പ് സ്ക്രീനുകളിൽ സിനിമകളും മറ്റ് ദൃശ്യവിരുന്നുകളും ആസ്വദിക്കുന്നവർക്കായി വലിയ ഡിസ്പ്ലേ അനുഭവത്തിലേക്ക് ചുവടുമാറാൻ സുവർണ്ണാവസരം. പ്രമുഖ ബ്രാൻഡായ ടിസിഎൽ (TCL) പുറത്തിറക്കിയ 65 ഇഞ്ച് ക്യുഡി-മിനി എൽഇഡി ഗൂഗിൾ സ്മാർട്ട് ടിവിക്ക് നിലവിൽ വലിയ വിലക്കിഴിവ് പ്രഖ്യാപിച്ചിരിക്കുന്നു.
വിപണിയിൽ സാധാരണയായി കാണപ്പെടുന്ന വിലയിൽ നിന്നും 200 ഡോളറിന്റെ വൻ ഇളവോടെ 498 ഡോളറിനാണ് ഇപ്പോൾ ഈ ഉപകരണം ലഭ്യമാകുന്നത്. വീട്ടുറപ്പുകളിൽ തിയേറ്റർ അനുഭവം സമ്മാനിക്കുന്ന രീതിയിലാണ് ഈ സ്മാർട്ട് ടിവി രൂപകൽപ്പന ചെയ്തിരിക്കുന്നത്.
സ്റ്റാൻഡേർഡ് ക്യുഎൽഇഡി മോഡലുകളെ അപേക്ഷിച്ച് മികച്ച കളർ കൃത്യതയും കോൺട്രാസ്റ്റും ഉറപ്പുനൽകുന്ന ക്യുഡി-മിനി എൽഇഡി (QD-Mini LED) സാങ്കേതികവിദ്യയാണ് ഇതിൽ ഉപയോഗിച്ചിരിക്കുന്നത്. കൂടാതെ തടസ്സമില്ലാത്ത നാവിഗേഷൻ അനുഭവവും പ്രമുഖ സ്ട്രീമിങ് സേവനങ്ങളിലേക്കുള്ള എളുപ്പത്തിലുള്ള പ്രവേശനവും ഉറപ്പാക്കുന്ന ഗൂഗിൾ ടിവി (Google TV) പ്ലാറ്റ്ഫോമിലാണ് ഇത് പ്രവർത്തിക്കുന്നത്.
ടിവി നിയന്ത്രിക്കുന്നതിനും പ്രിയപ്പെട്ട പരിപാടികൾ എളുപ്പത്തിൽ കണ്ടെത്തന്നതിനുമായി ഇതിൽ ജെമിനി (Gemini) സേവനവും ലഭ്യമാക്കിയിട്ടുണ്ട്.
ഒപ്പം അനുയോജ്യമായ സ്മാർട്ട് ഹോം ഉൽപ്പന്നങ്ങളും ഇതിലൂടെ നിയന്ത്രിക്കാൻ സാധിക്കും. മികച്ച ശബ്ദാനുഭവത്തിനായി ഡോൾബി ആറ്റ്മോസ് (Dolby Atmos), ഡിടിഎസ് വെർച്വൽ:എക്സ് (DTS Virtual:X) സപ്പോർട്ടും ഇതിൽ ഉൾപ്പെടുത്തിയിരിക്കുന്നു.
ഗെയിമിംഗ് പ്രേമികൾക്കായി വേരിയബിൾ റിഫ്രഷ് റേറ്റ് (VRR) സാങ്കേതികവിദ്യയോടുകൂടിയ ഗെയിൽ ആക്സിലറേറ്റർ മോഡും ഈ ടിവിയിൽ സജ്ജീകരിച്ചിട്ടുണ്ട്. ഫോണുകളിൽ നിന്നോ ടാബ്ലറ്റുകളിൽ നിന്നോ ഉള്ള മീഡിയ ഫയലുകൾ വലിയ സ്ക്രീനിലേക്ക് മാറ്റുന്നതിനായി ക്രോംകാസ്റ്റ് (Chromecast) അല്ലെങ്കിൽ ആപ്പിളിന്റെ എയർപ്ലേ 2 (AirPlay 2) എന്നിവയും ഉപയോഗിക്കാവുന്നതാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
