തിരുവനന്തപുരം: അറേബ്യൻ കടലിൽ മത്സ്യബന്ധനത്തിന് പോയ തൊഴിലാളിയെ കാണാതായി. അടിമലത്തുറ ഫാത്തിമ ചര്ച്ചിന് സമീപം ബൈജു ഭവനില് ബൈജു (44) നെയാണ് കാണാതായത്.
മത്സ്യബന്ധനം പൂർത്തിയാക്കി മടങ്ങിവരുന്നതിനിടയിൽ ഇന്ന് രാവിലെ പള്ളത്ത് വെച്ചാണ് സംഭവം നടന്നത്. ഫിഷിംഗ് ഹാർബറിലേക്ക് അടുക്കുന്നതിന് മുന്നോടിയായി ബോട്ടിന്റെ ഭാരം കുറയ്ക്കുന്നതിനായി ബൈജു ഉൾപ്പെടെയുള്ള ആറുപേർ കടലിലേക്ക് ചാടുകയായിരുന്നു.
ഇതിൽ അഞ്ചുപേർ നീന്തി സുരക്ഷിതമായി കരയിലെത്തിയെങ്കിലും ബൈജുവിനെക്കുറിച്ച് യാതൊരു വിവരവുമില്ല. കരയിലേക്ക് എത്തുന്നതിന് തൊട്ടുമുമ്പ് അദ്ദേഹത്തെ കണ്ടിരുന്നതായി ഒപ്പമുണ്ടായിരുന്ന സഹപ്രവർത്തകർ മൊഴി നൽകിയതായി കോസ്റ്റൽ പൊലീസ് വ്യക്തമാക്കി.
കാണാതായ ബൈജുവിനായുള്ള തെരച്ചിൽ കോസ്റ്റൽ പൊലീസിന്റെയും നാട്ടുകാർ ഉൾപ്പെടെയുള്ള മത്സ്യത്തൊഴിലാളികളുടെയും സംയുക്ത ആഭിമുഖ്യത്തിൽ പുരോഗമിക്കുകയാണ്. കടലിലെ ശക്തമായ അടിയൊഴുക്ക് രക്ഷാപ്രവർത്തനത്തിന് വലിയ തോതിൽ തിരിച്ചടിയാകുന്നുണ്ടെന്ന് പൊലീസ് അധികാരികൾ അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
