നെയ്യാറ്റിൻകര താലൂക്കിലെ വെള്ളറടയിൽ കാട്ടുപന്നികളുടെ ആക്രമണത്തിൽ നിന്നും രക്ഷപ്പെടാൻ ശ്രമിക്കുന്നതിനിടയിൽ മരത്തിൽ കുടുങ്ങിപ്പോയ അധ്യാപകനെ അഗ്നിരക്ഷാസേന സുരക്ഷിതമായി താഴെയിറക്കി. ശ്രേയസ്സിൽ കോവില്ലൂർ രാധാകൃഷ്ണനെയാണ് (53) അപകടത്തിൽ നിന്നും രക്ഷപ്പെടുത്തിയത്.
സംഭവം നടന്നത് ഇന്നലെ രാവിലെയാണ്. കലപ്പക്കോണത്ത് റബർ ടാപ്പിങ്ങിനായി എത്തിയപ്പോഴാണ് രാധാകൃഷ്ണന് നേരെ കാട്ടുപന്നികളുടെ കൂട്ടം പാഞ്ഞടുത്തത്.
തുടർന്ന് ജീവഭയത്താൽ സമീപത്തുണ്ടായിരുന്ന റബർ മരത്തിലേക്ക് അദ്ദേഹം വലിഞ്ഞുകയറുകയായിരുന്നു. സാധാരണയായി മരത്തിൽ കയറാൻ അറിയാത്ത വ്യക്തിയാണ് രാധാകൃഷ്ണൻ എങ്കിലും, ജീവൻ രക്ഷിക്കാനുള്ള അത്യാഹിത ശ്രമത്തിന്റെ ഭാഗമായാണ് അദ്ദേഹം മരത്തിന് മുകളിലേക്ക് കയറിയത്.
പന്നികൾ പിൻവാങ്ങിയെങ്കിലും മരത്തിൽ നിന്നും താഴെയിറങ്ങാൻ കഴിയാത്ത സാഹചര്യത്തിലായി രാധാകൃഷ്ണൻ. ഭാഗ്യവശാൽ അദ്ദേഹത്തിന്റെ കൈവശം മൊബൈൽ ഫോൺ ഉണ്ടായിരുന്നു.
ഉടൻ തന്നെ അദ്ദേഹം സോഷ്യൽ മീഡിയ വഴി തന്റെ ദുസ്ഥിതി സുഹൃത്തുക്കളെയും ബന്ധുക്കളെയും അറിയിക്കുകയും, ഒപ്പം അഗ്നിരക്ഷാസേനയെ നേരിട്ട് വിവരം അറിയിക്കുകയായിരുന്നു. വിവരമറിഞ്ഞയുടൻ സ്ഥലത്തെത്തിയ അഗ്നിരക്ഷാസേന ഉദ്യോഗസ്ഥരുടെ സമയോചിതമായ ഇടപെടലിലൂടെയാണ് ഒരു മണിക്കൂറോളം മരത്തിന് മുകളിൽ കുടുങ്ങിക്കിടന്ന രാധാകൃഷ്ണനെ സുരക്ഷിതമായി താഴെ എത്തിച്ചത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
