കൊച്ചി: മാസങ്ങളായി തുടരുന്ന പ്രതിസന്ധികൾക്ക് വിരാമമിട്ട് തീരക്കടലിൽ നിന്ന് മത്സ്യത്തൊഴിലാളികൾക്ക് ആശ്വാസമായി പൂവാലൻ ചെമ്മീന്റെ ലഭ്യത വർധിക്കുന്നു. തീരക്കടലിൽ മത്സ്യബന്ധനത്തിനായി പോകുന്ന വള്ളങ്ങൾക്ക് പൂവാലൻ ചെമ്മീനും ചെറിയ തോതിൽ മറ്റ് മത്സ്യങ്ങളും ലഭിച്ചു തുടങ്ങി.
കഴിഞ്ഞ നാല് മാസക്കാലമായി കടലിൽ പോകുന്ന ഭൂരിഭാഗം വള്ളങ്ങൾക്കും ഇന്ധനച്ചെലവ് പോലും കണ്ടെത്താൻ കഴിയാത്ത അതീവ ദയനീയമായ സാഹചര്യമായിരുന്നു നിലനിന്നിരുന്നത്. കാലാവസ്ഥയിൽ ഉണ്ടായ അനുകൂലമായ മാറ്റങ്ങളും തെളിഞ്ഞ കാലാവസ്ഥയും മത്സ്യബന്ധന മേഖലയ്ക്ക് ഉണർവേകിയിട്ടുണ്ട്.
ഇത്തരത്തിൽ ലഭിക്കുന്ന മത്സ്യങ്ങളും ചെമ്മീനും നിലവിൽ മുനമ്പം ഹാർബറിൽ എത്തിച്ച് ലേലം നടത്തി വരികയാണ്. എങ്കിലും, പ്രതികൂലമായ ചില സാഹചര്യങ്ങൾ ഇപ്പോഴും മത്സ്യത്തൊഴിലാളികൾക്ക് വലിയ വെല്ലുവിളിയാകുന്നുണ്ട്.
കടലിനടിയിൽ മുങ്ങിക്കിടക്കുന്ന കപ്പലുകളുടെ അവശിഷ്ടങ്ങളും മറ്റ് ലോഹവസ്തുക്കളും മത്സ്യബന്ധന വലകൾ കുടുങ്ങി നശിക്കുന്ന അവസ്ഥ തുടരുന്നത് തൊഴിലാളികൾക്ക് വലിയ സാമ്പത്തിക നഷ്ടമാണ് വരുത്തുന്നത്. ഈ പ്രതിസന്ധികൾക്ക് ശാശ്വത പരിഹാരം കാണണമെന്നാണ് മത്സ്യത്തൊഴിലാളി സമൂഹത്തിന്റെ ആവശ്യം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
