ദേശീയ എലിജിബിലിറ്റി കും എൻട്രൻസ് ടെസ്റ്റ് (NEET) പരീക്ഷാ ചോദ്യപേപ്പർ ചോർച്ചയുമായി ബന്ധപ്പെട്ട കേസിൽ നിർണായക വഴിതിരിവ്.
സംഭവത്തിൽ കൂടുതൽ അന്വേഷണം നടത്തുവാൻ കേന്ദ്ര അന്വേഷണ ഏജൻസിയായ CBI-ക്ക് ഡൽഹി റോസ് അവന്യൂ കോടതി ഔദ്യോഗിക അനുമതി നൽകി. നേരത്തെ ഈ കേസിൽ ആകെ 13 പ്രതികൾക്കെതിരെ സിബിഐ കുറ്റപത്രം സമർപ്പിച്ചിരുന്നു.
പരീക്ഷാ നടത്തിപ്പിൽ ആവർത്തിക്കപ്പെടുന്ന സുരക്ഷാ വീഴ്ചകളും ചോദ്യപേപ്പർ ചോർച്ചയും വലിയ വിവാദങ്ങൾക്ക് ഇടയാക്കിയ പശ്ചാത്തലത്തിലാണ് കേസിൽ കൂടുതൽ പരിശോധനകൾ നടത്താൻ അന്വേഷണ സംഘത്തിന് അനുമതി ലഭിച്ചിരിക്കുന്നത്. അതേസമയം, രാജ്യവ്യാപകമായി ഉണ്ടായ ഇത്തരം സുരക്ഷാ പ്രശ്നങ്ങളുടെ പശ്ചാത്തലത്തിൽ പരീക്ഷകളുടെ നടത്തിപ്പ് കൂടുതൽ സുരക്ഷിതമാക്കാൻ നാഷണൽ ടെസ്റ്റിംഗ് ഏജൻസി (NTA) കർശന നടപടികൾ ആരംഭിച്ചിട്ടുണ്ട്.
ഇതിന്റെ ഭാഗമായി വിവിധ നിർണായക വിഭാഗങ്ങളുടെ പ്രവർത്തനങ്ങൾ ഏകോപിപ്പിക്കുന്നതിനായി ഉന്നത ഉദ്യോഗസ്ഥരെ പുതിയതായി നിയമിക്കാൻ എൻ.ടി.എ തീരുമാനിച്ചിട്ടുണ്ട്. സൈബർ സുരക്ഷ, പരീക്ഷാ കേന്ദ്രങ്ങളുടെ സുഗമമായ പ്രവർത്തനം, ഫോറൻസിക്സ് എന്നീ അതിപ്രധാനമായ മേഖലകളിലാണ് പുതിയ ഉദ്യോഗസ്ഥരുടെ നിയമനം നടപ്പിലാക്കുക.
ജി.എം-വിജിലൻസ് ഉൾപ്പെടെയുള്ള പ്രധാന തസ്തികകളിലേക്ക് പുതിയ നിയമനങ്ങൾ ഉണ്ടാകുമെന്നാണ് ലഭ്യമാകുന്ന വിവരം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
