കൊച്ചി: കാലടി ശ്രീശങ്കരാചാര്യ സംസ്കൃത സർവകലാശാലയിൽ വിദ്യാർഥികൾ നടത്തിവരുന്ന സമരം ഇരുപത്തിയഞ്ചാം ദിവസത്തിലേക്ക് കടന്നു. സർട്ടിഫിക്കറ്റ് വിതരണം സമയബന്ധിതമായി പൂർത്തിയാക്കുക, അധ്യാപകരുടെ നിയമനങ്ങൾ വേഗത്തിലാക്കുക തുടങ്ങിയ പതിനെട്ട് പ്രധാന ആവശ്യങ്ങൾ ഉന്നയിച്ചാണ് എസ്എഫ്ഐയുടെ നേതൃത്വത്തിൽ പ്രതിഷേധം തുടരുന്നത്.
സമരത്തിന്റെ ഭാഗമായി ഇന്ന് സർവകലാശാലയിലെ എല്ലാ വകുപ്പുകളിലേക്കും വിദ്യാർഥികൾ പ്രതിഷേധ പ്രകടനം സംഘടിപ്പിക്കും. ഉന്നയിച്ച ആവശ്യങ്ങളിൽ അനുകൂലമായ നടപടികൾ ഉണ്ടായില്ലെങ്കിൽ ശക്തമായ നിരാഹാര സമരത്തിലേക്ക് കടക്കുമെന്ന് വിദ്യാർഥി സംഘടന മുന്നറിയിപ്പ് നൽകിയിട്ടുണ്ട്.
പ്രതിഷേധത്തിന്റെ ഭാഗമായി സർവകലാശാലാ ആസ്ഥാനത്ത് എത്തിയ വൈസ് ചാൻസലർ സിസ തോമസിനെ സമരക്കാർ തടഞ്ഞുവെച്ചു. തുടർന്ന് പോലീസിന്റെ ശക്തമായ ഇടപെടലിനെത്തുടർന്നാണ് വി.സിക്ക് സുരക്ഷ ഒരുക്കിയത്.
ഇതിനിടയിൽ, എസ്എഫ്ഐ പ്രവർത്തകർ വി.സിയുടെ പ്രതീകാത്മക ശവസംസ്കാരം നടത്തുകയുണ്ടായി. എന്നാൽ, വിദ്യാർഥി സംഘടനയുടെ ഈ പ്രതിഷേധ രീതിക്കെതിരെ രൂക്ഷ വിമർശനവുമായി മന്ത്രി പി.സി.
വിശ്വനാഥ് രംഗത്തെത്തി. എസ്എഫ്ഐയുടെ ശവസംസ്കര സമരം തികച്ചും അപരിഷ്കൃതമാണെന്ന് അദ്ദേഹം വിശേഷിപ്പിച്ചു.
സിപിവെ ഈ പ്രവൃത്തിയെ പൂർണ്ണമായി തള്ളിപ്പറയണമെന്നും ഇതിന് കാരണക്കാരായവർക്കെതിരെ കർശന നടപടി സ്വീകരിക്കണമെന്നും മന്ത്രി ആവശ്യപ്പെട്ടു. വൈസ് ചാൻസലറുടെ നിലപാടുകളോട് ആർക്കും വിയോജിപ്പുകൾ ഉണ്ടാകാം.
തങ്ങളും സമരങ്ങൾ സംഘടിപ്പിക്കാറുണ്ടെങ്കിലും ഇത്തരത്തിലുള്ള നിന്ദ്യമായ മാർഗ്ഗങ്ങൾ സ്വീകരിക്കുന്നത് ശരിയല്ലെന്നും അദ്ദേഹം കൂട്ടിച്ചേർത്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
