പശ്ചിമേഷ്യയിൽ യുദ്ധസമാനമായ സാഹചര്യങ്ങൾ നിലനിൽക്കെ, ഇറാനെ ലക്ഷ്യമാക്കി യുഎസ് സെൻട്രൽ കമാൻഡ് ആക്രമണങ്ങൾ ഊർജിതമാക്കി. കഴിഞ്ഞ മൂന്ന് ദിവസമായി തുടരുന്ന ആക്രമണങ്ങൾ ഇറാനു വലിയ തിരിച്ചടിയാണെന്ന് പ്രതിരോധ വൃത്തങ്ങൾ വ്യക്തമാക്കുന്നു.
**ബന്ദർ അബ്ബാസ്**, **കിഷ് ദ്വീപ്**, **ജാം**, **ഖേഷം ദ്വീപ്** എന്നിവിടങ്ങളിൽ സ്ഫോടനങ്ങൾ നടന്നതായി റിപ്പോർട്ടുകളുണ്ട്. യുഎസ് സെൻട്രൽ കമാൻഡ് ഔദ്യോഗികമായി പങ്കുവെച്ച വിവരപ്രകാരം, “കമാൻഡർ ഇൻ ചീഫിന്റെ നിർദേശപ്രകാരം, ഇറാനെതിരെ തുടർച്ചയായ മൂന്നാമത്തെ രാത്രിയും യുഎസ് സെൻട്രൽ കമാൻഡ് ആക്രമണം തുടങ്ങിയിട്ടുണ്ട്.
ഈ ആക്രമണങ്ങൾ ഇറാനുള്ള കനത്ത തിരിച്ചടി തുടരുകയും ഹോർമുസിൽ സാധാരണക്കാരെയും വാണിജ്യ കപ്പലുകളെയും ആക്രമിക്കാനുള്ള അവരുടെ ശേഷി ദുർബലപ്പെടുത്തുകയും ചെയ്യും.” **ഹോർമുസ് കടലിടുക്കിൽ** ഇറാന്റെ പ്രവർത്തനങ്ങൾ നിയന്ത്രിക്കുന്നതിന്റെ ഭാഗമായി യുഎസ് പുതിയ ഉപരോധങ്ങൾ ഏർപ്പെടുത്തിയിട്ടുണ്ട്. ഈ ഉപരോധം ചൊവ്വാഴ്ച നിലവിൽ വരും.
കൂടാതെ, ഈ മേഖലയിലൂടെ കടന്നുപോകുന്ന വാണിജ്യ കപ്പലുകൾക്ക് 20 ശതമാനം നികുതി ചുമത്തുമെന്ന് യുഎസ് പ്രസിഡന്റ് **ഡോണൾഡ് ട്രംപ്** പ്രഖ്യാപിച്ചിരുന്നു. ഇറാനിലെ പ്രധാന ആണവകേന്ദ്രമായ **പിക്കാക്സ് മൗണ്ടൻ** ആക്രമിക്കുമെന്ന് **ഡോണൾഡ് ട്രംപ്** മുന്നറിയിപ്പ് നൽകി.
“ഞങ്ങൾ പിക്കാക്സ് മൗണ്ടൻ ആക്രമിക്കാൻ പോകുകയാണ്. ഇറാൻകാരോട് തയാറായിരിക്കാൻ പറയൂ” എന്നായിരുന്നു അദ്ദേഹത്തിന്റെ പരാമർശം.
യുഎസ് സമയം തിങ്കളാഴ്ച രാത്രിയും ചൊവ്വാഴ്ചയും ആക്രമണം തുടരുമെന്നും അദ്ദേഹം കൂട്ടിച്ചേർത്തു. അതേസമയം, തങ്ങളുടെ സേന യുഎസിന്റെ കപ്പലിനുനേരെ ക്രൂസ് മിസൈലുകൾ ഉപയോഗിച്ച് തിരിച്ചടിച്ചതായി ഇറാൻ അവകാശപ്പെട്ടു.
യമനിലെ **സന വിമാനത്താവളത്തിനുനേരെയും** ആക്രമണമുണ്ടായി. സൗദി പിന്തുണയുള്ള യെമൻ സർക്കാർ ഇതിന്റെ ഉത്തരവാദിത്വം ഏറ്റെടുത്തു.
ഇതിനു മറുപടിയായി സൗദി അറേബ്യയിലെ **അബ വിമാനത്താവളത്തിൽ** തങ്ങൾ ആക്രമണം നടത്തിയെന്ന് ഹൂതി വിമതരുടെ വക്താവ് **യഹ്യ സാരീ** അറിയിച്ചു. യുഎസ് സെൻട്രൽ കമാൻഡ് കഴിഞ്ഞ ദിവസം ഡ്രോണുകൾ ഉപയോഗിച്ച് നടത്തിയ ആക്രമണത്തിന്റെ ദൃശ്യങ്ങൾ പുറത്തുവിട്ടിരുന്നു.
“കഴിഞ്ഞ ദിവസം ഒന്നിലധികം വൺവേ അറ്റാക്ക് സർഫസ് ഡ്രോണുകൾ ഉപയോഗിച്ച് സെൻട്രൽ കമാൻഡ് സേന ഇറാനിലെ മുങ്ങിക്കപ്പലും കപ്പൽ അറ്റകുറ്റപ്പണിശാലയും ആക്രമിച്ചു.” **ബന്ദർ അബ്ബാസ്** നാവിക താവളത്തിൽ നടത്തിയ ആക്രമണത്തിൽ മൂന്ന് കോർസൈർ ഡ്രോണുകളാണ് ഉപയോഗിച്ചത്. കഴിഞ്ഞ ശനിയാഴ്ച, കപ്പലുകൾക്ക് അനുമതി നൽകുന്നത് നിർത്തിവെച്ചുകൊണ്ട് ഇറാൻ ഹോർമുസ് കടലിടുക്ക് അടച്ചതായി പ്രഖ്യാപിച്ചിരുന്നു.
മേഖലയിൽ സ്ഥിരത പുനഃസ്ഥാപിക്കാതെ കപ്പൽ ഗതാഗതം അനുവദിക്കില്ലെന്ന നിലപാടിലാണ് ഇറാൻ ഇപ്പോഴും തുടരുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
