തിരുവനന്തപുരം: മുഖ്യമന്ത്രി പിണറായി വിജയനെ പ്രകീർത്തിച്ച് ഗാനമെഴുതിയ സെക്രട്ടേറിയറ്റ് ജീവനക്കാരന്റെ സേവന കാലാവധി സർക്കാർ അവസാനിപ്പിച്ചു. സെക്രട്ടേറിയറ്റ് എംപ്ലോയീസ് അസോസിയേഷൻ നേതാവായിരുന്ന പൂവത്തൂർ ചിത്രസേനന്റെ സേവനമാണ് നിലവിലെ ഭരണകൂടം റദ്ദാക്കിയത്.
പൊതുഭരണ വകുപ്പിൽ നിന്നും വിരമിച്ച ശേഷം ധനകാര്യ വകുപ്പിൽ സ്പെഷൽ മെസഞ്ചറായി സേവനമനുഷ്ഠിക്കുകയായിരുന്നു ഇദ്ദേഹം. സെക്രട്ടേറിയറ്റ് എംപ്ലോയീസ് അസോസിയേഷന്റെ സുവർണ ജൂബിലി ആഘോഷവേളയിലാണ് വിവാദമായ ഗാനം അവതരിപ്പിച്ചത്.
‘ഇരുളടഞ്ഞ പാതയിൽ ജ്വലിച്ച സൂര്യനായി’ എന്നു തുടങ്ങുന്ന ഗാനം, മുഖ്യമന്ത്രി പിണറായി വിജയനെ വേദിയിലിരുത്തി അസോസിയേഷൻ ഭാരവാഹികൾ ആലപിക്കുകയായിരുന്നു. ഈ സ്തുതിഗാനം പുറത്തുവന്നതിന് പിന്നാലെ ചിത്രസേനന് സ്പെഷൽ മെസഞ്ചർ തസ്തികയിൽ നിയമനം ലഭിച്ചത് വിവാദങ്ങൾക്കും വിമർശനങ്ങൾക്കും വഴിവെച്ചിരുന്നു.
ഇതിനു പിന്നാലെയാണ് ഇപ്പോൾ ഇദ്ദേഹത്തിന്റെ സേവന കാലാവധി അവസാനിപ്പിച്ചുകൊണ്ടുള്ള നടപടിയുണ്ടായിരിക്കുന്നത്. ജൂൺ 14, 2026-ലാണ് ഇതുമായി ബന്ധപ്പെട്ട
വിവരങ്ങൾ പുറത്തുവന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
