ആൻഡ്രോയിഡ് ഷോയിൽ വമ്പൻ പ്രഖ്യാപനങ്ങളുമായി ഗൂഗിൾ രംഗത്ത്. പുതിയ ആൻഡ്രോയിഡ് ഓട്ടോ അനുഭവത്തോടൊപ്പം ജെമിനി ഇന്റലിജൻസിന്റെ വരവും ഗൂഗിൾബുക്കിന്റെ ആമുഖവും സാങ്കേതിക ലോകത്ത് ശ്രദ്ധേയമായി.
ക്രോം ഒഎസും ആൻഡ്രോയിഡും സമന്വയിപ്പിച്ചുകൊണ്ട് നിർമ്മിച്ചിരിക്കുന്ന ഈ പുതിയ ഉപകരണം ജെമിനി എഐ സേവനങ്ങളിലേക്ക് ഉപയോക്താക്കൾക്ക് നേരിട്ടുള്ള പ്രവേശനം നൽകുന്നു. ഗൂഗിൾബുക്കിന്റെ ഏറ്റവും പ്രധാനപ്പെട്ട
പ്രത്യേകത അതിൽ ഉൾപ്പെടുത്തിയിരിക്കുന്ന ‘മാജിക് പോയിന്റർ’ എന്ന സാങ്കേതികവിദ്യയാണ്. കഴ്സറിനുള്ളിൽ തന്നെ എഐ അസിസ്റ്റന്റിനെ സംയോജിപ്പിച്ചിരിക്കുന്നു എന്നതാണ് ഇതിന്റെ പ്രത്യേകത.
ഉപയോക്താക്കൾ കഴ്സർ ഉപയോഗിച്ച് എന്താണോ ചൂണ്ടിക്കാണിക്കുന്നത്, അത് മനസ്സിലാക്കാൻ മാജിക് പോയിന്ററിന് സാധിക്കും. ഉദാഹരണത്തിന്, ഒരു തീയതിക്ക് നേരെ പോയിന്റർ വെക്കുകയാണെങ്കിൽ, ആ തീയതിയിൽ ഒരു ഇവന്റ് സെറ്റ് ചെയ്യാനോ റിമൈൻഡർ നൽകാനോ ഉപയോക്താവിനെ ഇത് സഹായിക്കുന്നു.
അതുപോലെ, ഒരു കെട്ടിടത്തിന്റെ ചിത്രത്തിന് നേരെ കഴ്സർ വെച്ചുകൊണ്ട് അതിന്റെ സ്ഥാനം ചോദിച്ചറിയാനും സാധിക്കും. ടെക്സ്റ്റ് അധിഷ്ഠിത നിർദ്ദേശങ്ങളിൽ നിന്ന് മാറി, സന്ദർഭത്തിനനുസരിച്ച് കാര്യങ്ങൾ ഗ്രഹിക്കാൻ ശേഷിയുള്ള ഒരു സംവിധാനമാണ് ഇതിലൂടെ ഗൂഗിൾ ലക്ഷ്യമിടുന്നത്.
ഏസർ (Acer), അസൂസ് (ASUS), ഡെൽ (Dell) തുടങ്ങിയ കമ്പനികളുടെ ആദ്യ ഗൂഗിൾബുക്കുകൾ ഈ വർഷം ശരത്കാലത്തോടെ വിപണിയിലെത്തും. എന്നിരുന്നാലും, മാജിക് പോയിന്ററിന്റെ പ്രവർത്തനം ഇപ്പോൾ തന്നെ എഐ സ്റ്റുഡിയോയിൽ ലഭ്യമാണ്.
‘പോയിന്റ് ആൻഡ് സ്പീക്ക്’, ‘ഷോ ആൻഡ് ടെൽ’ എന്നീ രണ്ട് ഡെമോകൾ ഇതിനായി ഗൂഗിൾ ലഭ്യമാക്കിയിട്ടുണ്ട്. വരും ദിവസങ്ങളിൽ ക്രോം ബ്രൗസറുകളിലും ‘ആസ്ക് ജെമിനി’ ഫീച്ചർ ലഭ്യമാക്കുമെന്ന് കമ്പനി അറിയിച്ചിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
