പിണറായി സർക്കാരിന്റെ തോൽവിയിൽ എസ്‌ഐആർ വിവാറം; കേരള രാഷ്ട്രീയത്തിൽ ശക്തമായ വാദപ്രതിവാദങ്ങൾ

തിരുവനന്തപുരം: കഴിഞ്ഞ കേരള നിയമസഭ തെരഞ്ഞെടുപ്പിൽ മുൻ മുഖ്യമന്ത്രി പിണറായി വിജയൻന്‍റെ നേതൃത്വത്തിലുള്ള ഇടത് സർക്കാർ വീഴാൻ കാരണം എസ്ഐആർ ആണെന്ന അഭിജീത് ദീപ്കെയുടെ പരാമർശത്തിന് പിന്നാലെ കേരള രാഷ്ട്രീയത്തിൽ വാദപ്രതിവാദങ്ങൾ ശക്തമായിരിക്കുകയാണ്. കേരളത്തിലെ പിണറായിയുടെ തോൽവിയും തമിഴ്നാട്ടിൽ സ്റ്റാലിന്‍റെ തോൽവിയും ആസൂത്രിതമാണെന്നും ഈ തോൽവികൾ യാദൃശ്ചികമായി സംഭവിച്ചതെന്ന് കരുതാനാകില്ല, വോട്ടർമാർ ഒഴിവാക്കപ്പെടുന്നതു കൊണ്ട് ഗുണം ബിജെപിക്ക് മാത്രമാണ്, ജീവിച്ചിരിക്കുന്നവരെ മരിച്ചവരാക്കി മാറ്റുന്നത് എങ്ങനെയാണ്? എന്ന് അഭിജീത് ദീപ്കെ ചോദിച്ചു.

പിന്നാലെ ഇതിനെ എതിർത്തുകൊണ്ട് കോൺഗ്രസ് രംഗത്തെത്തിയിരുന്നു. എന്നാൽ, കേരളത്തിൽ 67 മണ്ഡലങ്ങളിൽ അസാധാരണമായി വോട്ട് വർധിച്ചു എന്നും ചില മണ്ഡലങ്ങളിൽ വോട്ട് കുറഞ്ഞു എന്നും സിപിഎം നേതാവ് പി രാജീവ് പ്രതികരിച്ചു.

വോട്ടിങ് മെഷീനിൽ ക്രമക്കേടുകൾ നടന്നെന്ന് സമ്മതിച്ചത് ഖർഗെയാണെന്നും കേരളത്തിൽ അസാധാരണ സംഭവമുണ്ടായി, തിരഞ്ഞെടുപ്പിന് നേതൃത്വം നൽകിയ ഉദ്യോഗസ്ഥനെ മുഖ്യമന്ത്രിയുടെ സെക്രട്ടറിയായി നിയമിച്ചിരിക്കുന്നു, അഭിജീത്ത് ദീപ്കെ പലതവണ വിഷയം ഉന്നയിച്ചു എന്നും അദ്ദേഹം പറഞ്ഞു. എങ്കിലും, സിപിഎം നിലപാടിന് വിരുദ്ധമായ അഭിപ്രായമാണ് മുൻ എംഎൽഎയും സിപിഎം കേന്ദ്ര കമ്മിറ്റി അംഗവുമായ കെ.കെ ശൈലജ വിഷയത്തിൽ അറിയിച്ചത്.

വോട്ടർപട്ടിക പരിഷ്ക്കരണമാണ് കേരളത്തിൽ എൽഡിഎഫ് പരാജയപ്പെടാൻ കാരണമെന്ന് പറയാനാവില്ലെന്നും വോട്ടർപട്ടിക പരിഷ്ക്കരണം പല കാരണങ്ങളിൽ ഒന്നാകാം. ഇടതുപക്ഷത്തിന്‍റെ വോട്ടുകൾ ഒഴിവാക്കാൻ കോൺഗ്രസ് ശ്രമിച്ചിട്ടുണ്ട്.

അനധികൃതമായി വോട്ട് ചേർക്കാനും യുഡിഎഫ് എസ്ഐആറിനെ ഉപയോഗിച്ചു. എന്നാൽ അന്നത്തെ എൽഡിഎഫ് സർക്കാർ ജാഗ്രത കാണിച്ചതിനാൽ വലിയ അട്ടിമറി നടന്നിട്ടില്ലെന്നും ശൈലജ പറഞ്ഞു.

വോട്ടർ പട്ടികയിൽ നിന്നും വോട്ടർമാരെ ഒഴിവാക്കുന്ന നടപടിക്ക് പിന്നിൽ ഗൂഢാലോചന നടന്നതായി സിജെപി സ്ഥാപകൻ അഭിജീത് ദീപ്കെ ഇന്നലെ ആരോപിച്ചിരുന്നു. കേരളത്തിലെ പിണറായിയുടെ തോൽവിയും തമിഴ്നാട്ടിൽ സ്റ്റാലിന്‍റെ തോൽവിയും ആസൂത്രിതമാണെന്നും ഈ തോൽവികൾ യാദൃശ്ചികമായി സംഭവിച്ചതെന്ന് കരുതാനാകില്ല, വോട്ടർമാർ ഒഴിവാക്കപ്പെടുന്നതു കൊണ്ട് ഗുണം ബിജെപിക്ക് മാത്രമാണ്, ജീവിച്ചിരിക്കുന്നവരെ മരിച്ചവരാക്കി മാറ്റുന്നത് എങ്ങനെയാണ്? എന്ന് അഭിജീത് ദീപ്കെ ചോദിച്ചു.

അനുവാദമില്ലാതെ സമരം സംഘടിപ്പിച്ചെന്ന ആരോപണത്തിനും അഭിജീത് മറുപടി പറഞ്ഞു. സമരം ചെയ്യുക എന്നത് അവകാശമാണ് ഔദാര്യമല്ലെന്നും അമിത് ഷാ അനുവാദം നൽകാൻ അത് കുടുംബസ്വത്തല്ല, ബെംഗളൂരുവിൽ ഞങ്ങൾ സമാധാനപരമായാണ് പ്രതിഷേധിച്ചത്.

ദില്ലിയിൽ എന്തുകൊണ്ട് അത് അനുവദിക്കുന്നില്ല എന്ന് അദ്ദേഹം ചോദിച്ചു. കൂടാതെ, രാജ്യത്തെ യുവജനങ്ങൾ നിർഭയരാണെന്നും അവർക്ക് ആകുലതകളില്ല, അറസ്റ്റ് വരിക്കാൻ തയ്യാറാണ്.

ജനാധിപത്യത്തെ സംരക്ഷിക്കാൻ മുന്നോട്ട് തന്നെ പോകും. ഈ പോരാട്ടം സിജെപിയുടെ നിലനിൽപിനായുള്ളതല്ല എന്നും അഭിജീത് പ്രതികരിച്ചു.

മുഖ്യ തെരഞ്ഞെടുപ്പ് കമ്മീഷണർ രാജിവെക്കണം എന്ന ആവശ്യം ശക്തമാകുകയാണ്. സിജെപിയും കോൺഗ്രസും മറ്റ് പ്രതിപക്ഷ സംഘടനകളും വിദ്യാർത്ഥി സംഘടനകളും ഈ ആവശ്യം ഉന്നയിച്ച് രാജ്യതലസ്ഥാനത്ത് നാല് ദിവസമായി സമരം സംഘടിപ്പിക്കുകയാണ്.