മേപ്പാടി കള്ളാടിയിൽ ഉണ്ടായ മണ്ണിടിച്ചിൽ ദുരന്തത്തിൽ കാണാതായവർക്കായുള്ള തിരച്ചിൽ പ്രവർത്തനങ്ങൾ മൂന്നാം ദിവസത്തിലേക്ക് കടന്നു. തുരങ്കപാത നിർമ്മാണത്തിലേർപ്പെട്ടിരുന്ന ദിലീപ് ബിൽഡ് കോൺ എന്ന കരാർ കമ്പനിയിലെ അഞ്ച് ഇതരസംസ്ഥാന തൊഴിലാളികളെയാണ് അപകടത്തിന് ശേഷം കാണാതായിരിക്കുന്നത്.
നിലവിൽ തുടരുന്ന ശക്തമായ മഴയും മോശം കാലാവസ്ഥയും രക്ഷാദൗത്യത്തിന് വലിയ തടസ്സങ്ങൾ സൃഷ്ടിക്കുന്നുണ്ട്. നിശ്ചയിച്ച പ്രകാരം നാല് സോണുകളായി തിരിച്ചാണ് പ്രദേശത്ത് പരിശോധന പുരോഗമിക്കുന്നത്.
ഇതിനിടെ ദുരന്തബാധിത പ്രദേശം സന്ദർശിക്കാനായി പ്രതിപക്ഷ നേതാവ് പിണറായി വിജയൻ, സിപിഎം സംസ്ഥാന സെക്രട്ടറി എംവി ഗോവിന്ദൻ എന്നിവർ ഇന്ന് മേപ്പാടിയിലെത്തും. ദുരന്തത്തിന്റെ പശ്ചാത്തലത്തിൽ സംഭവത്തിൽ സമഗ്രമായ അന്വേഷണം നടത്താൻ സർക്കാർ വിദഗ്ധ സമിതിയെ നിയോഗിക്കും.
രണ്ട് തലങ്ങളിലായിരിക്കും അന്വേഷണം നടക്കുക. തുരങ്ക നിർമ്മാണത്തിനായുള്ള പാരിസ്ഥിതിക അനുമതി ലഭിച്ചതിലെ നടപടിക്രമങ്ങളും, കേന്ദ്ര സർക്കാർ അനുമതിയിൽ നിഷ്കർഷിച്ചിട്ടുള്ള കർശന വ്യവസ്ഥകൾ നിർമ്മാണ കമ്പനി പാലിച്ചിട്ടുണ്ടോ എന്ന് പരിശോധിക്കുകയുമാണ് അന്വേഷണത്തിന്റെ പ്രധാന ലക്ഷ്യം.
അന്വേഷണം പൂർത്തിയാകുന്നതുവരെ കള്ളാടി-ആനക്കാംപൊയിൽ തുരങ്കപാതയുടെ ഇരുഭാഗങ്ങളിലെയും നിർമ്മാണ പ്രവർത്തനങ്ങൾ താൽക്കാലികമായി നിർത്തിവെക്കാൻ അധികൃതർ നിർദ്ദേശം നൽകി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
