ബർലിനിൽ ഭരണകക്ഷിയായ ക്രിസ്ത്യൻ ഡെമോക്രാറ്റിക് യൂണിയൻ (സിഡിയു) ഉൾപ്പെടെയുള്ള മുഖ്യധാരാ രാഷ്ട്രീയ പ്രസ്ഥാനങ്ങളെ ബഹുദൂരം പിന്തള്ളി തീവ്ര വലതുപക്ഷ കക്ഷിയായ ഓൾട്ടർനേറ്റീവ് ഫോർ ജർമനി വൻ കുതിപ്പിലാണ്. കിഴക്കൻ ജർമനിയിലെ സാക്സണി അൻഹാൾട്ട് സംസ്ഥാനത്ത് നടന്ന തിരഞ്ഞെടുപ്പിൽ 44% വോട്ടുകൾ കരസ്ഥമാക്കി ഈ പാർട്ടി എല്ലാവരെയും ഞെട്ടിച്ചെങ്കിലും കേവല ഭൂരിഭക്ഷം നേടാൻ കഴിഞ്ഞിട്ടില്ല.
ആകെയുള്ള 83 നിയമസഭാ സീറ്റുകളിൽ 39 എണ്ണമാണ് ഇവർ സ്വന്തമാക്കിയത്. വരുന്ന 2029 ലെ ദേശീയ തിരഞ്ഞെടുപ്പിൽ 40% വോട്ട് വിഹിതമാണ് ലക്ഷ്യമിടുന്നതെന്ന് പാർട്ടിയുടെ പ്രമുഖ നേതാക്കളിൽ ഒരാളായ ആലിസ് വെയ്ഡൽ വ്യക്തമാക്കിയിട്ടുണ്ട്.
ഈ തീവ്ര വലതുപക്ഷ പാർട്ടിയുടെ അപ്രതീക്ഷിത വിജയം അയൽരാജ്യങ്ങളായ ഫ്രാൻസിലും പോളണ്ടിലും വലിയ ആശങ്കകൾക്കാണ് വഴിവെച്ചിട്ടുള്ളത്. ജനപ്രീതിയിൽ വലിയ ഇടിവ് നേരിടുന്ന ജർമൻ ചാൻസലർ ഫ്രീഡ്റിഷ് മേർട്സിന്റെ പാർട്ടിയായ സിഡിയുവിന്റെ വോട്ടുശതമാനം പകുതിയായി കുറഞ്ഞ് 17.2% ആയി മാറിയിരിക്കുകയാണ്.
മുൻകാലങ്ങളിൽ സിഡിയുവിനെ പിന്തുണച്ചിരുന്ന 83,000-ത്തോളം വോട്ടർമാർ ഇത്തവണ എഎഫ്ഡിക്കൊപ്പം നിലയുറപ്പിച്ചു. കുടിയേറ്റ വിരുദ്ധ നിലപാടുകളുള്ള ഇടതുപാർട്ടിയായ ബിഎസ്ഡബ്ല്യു മാത്രമാണ് നിലവിൽ എഎഫ്ഡിയുമായി ചേർന്ന് പ്രവർത്തിക്കാൻ താല്പര്യം പ്രകടിപ്പിച്ചിട്ടുള്ളത്.
എന്നാൽ, സിഡിയു ഉൾപ്പെടെയുള്ള മറ്റു പ്രധാന രാഷ്ട്രീയ കക്ഷികളെല്ലാം തന്നെ ഈ തീവ്ര വലതുപക്ഷ പാർട്ടിയിൽ നിന്നും കൃത്യമായ അകലം പാലിക്കുന്ന നയമാണ് സ്വീകരിച്ചിരിക്കുന്നത്. കുടിയേറ്റക്കാരെ രാജ്യത്തുനിന്ന് പുറത്താക്കുക, യുക്രെയ്നുള്ള സാമ്പത്തികവും സൈനികവുമായ സഹായങ്ങൾ അവസാനിപ്പിക്കുക, യൂറോപ്യൻ കറൻസി യൂറോയിൽ നിന്നും പിന്മാറുക തുടങ്ങിയ കടുത്ത നിലപാടുകളാണ് യൂറോപ്യൻ രാജ്യങ്ങളിൽ എഎഫ്ഡിയെക്കുറിച്ചുള്ള ഭീതി വർദ്ധിപ്പിക്കുന്നത്.
ഈ സാഹചര്യത്തിൽ ഒരു തീവ്രവാദ പ്രസ്ഥാനമായി കണക്കാക്കിക്കൊണ്ട് ജർമൻ ഇന്റലിജൻസ് ഏജൻസികൾ എഎഫ്ഡിയുടെ നീക്കങ്ങൾ പണ്ടേ മുതൽ തന്നെ അതീവ കർശനമായി നിരീക്ഷിച്ചു വരുന്നുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
