ഡെസ്ക്ടോപ്പ് ആപ്പുകൾ വഴി നേരിട്ടുള്ള ഫോട്ടോസ് ബാക്ക്അപ്പ് സേവനം അവസാനിപ്പിക്കുമെന്ന് പ്രഖ്യാപിച്ച് ഗൂഗിൾ. 2026 ആഗസ്റ്റ് 10-ന് ശേഷം ഗൂഗിൾ ഡ്രൈവ് ഡെസ്ക്ടോപ്പ് ആപ്ലിക്കേഷനിൽ ഫോട്ടോകൾ സ്വയമേവ ഗൂഗിൾ ഫോട്ടോസിലേക്ക് ബാക്ക്അപ്പ് ചെയ്യുന്നതിനുള്ള സൗകര്യം ലഭ്യമാകില്ലെന്ന് പിന്തുണ പേജിലൂടെ കമ്പനി അറിയിച്ചു.
ഗൂഗിൾ ഡ്രൈവും ഗൂഗിൾ ഫോട്ടോസും തുടർന്നും പ്രവർത്തിക്കുമെങ്കിലും, ഇവ തമ്മിലുള്ള ഡെസ്ക്ടോപ്പ് സിങ്ക് സംവിധാനമാണ് നിലയ്ക്കുന്നത്. ഈ മാറ്റം ഉപയോക്താക്കളെ സംബന്ധിച്ച് വലിയൊരു അപ്ഡേറ്റാണ്.
ഡ്രൈവ് വഴി ഫോട്ടോകൾ നേരിട്ട് സേവ് ചെയ്തുപോന്നവർ പുതിയ രീതിയിലേക്ക് മാറേണ്ടതുണ്ട്. പിസി ഡെസ്ക്ടോപ്പിനായി പ്രത്യേക ഗൂഗിൾ ഫോട്ടോസ് ആപ്പ് ഇല്ലാത്തതിനാൽ, ഉപയോക്താക്കൾ ഇനി മുതൽ വെബ്സൈറ്റ് സന്ദർശിച്ചുവേണം ബാക്ക്അപ്പ് ചെയ്യുവാൻ.
ഫോട്ടോസ് വെബ്സൈറ്റിൽ പ്രവേശിച്ച് മുകളിൽ വലതുവശത്തുള്ള ‘+’ ചിഹ്നം തിരഞ്ഞെടുത്ത് ‘Backup folders’ ഓപ്ഷൻ വഴി ആവശ്യമുള്ള ഫോൾഡറുകൾ ക്രമീകരിക്കാം. ഭാവിയിൽ ഈ തടസ്സം ഒഴിവാക്കാൻ മൊബൈൽ ഉപയോക്താക്കൾ ഗൂഗിൾ ഫോട്ടോസ് ആപ്പ് ഡൗൺലോഡ് ചെയ്ത് ഉപയോഗിക്കുന്നത് കൂടുതൽ സൗകര്യപ്രദമായിരിക്കും.
ആപ്പ് വഴി ഫോട്ടോകൾ തനിയെ ബാക്ക്അപ്പ് ചെയ്യാനും സ്റ്റോറേജ് ലാഭിക്കാനുമുള്ള ക്രമീകരണങ്ങൾ ചെയ്യാനാകും. ആഗസ്റ്റ് 10-ന് ശേഷം പഴയ രീതിയിലുള്ള ഡാറ്റാ കൈമാറ്റം പൂർണ്ണമായും നിലയ്ക്കുമെങ്കിലും ഇതിനകം അപ്ലോഡ് ചെയ്ത ചിത്രങ്ങൾ സുരക്ഷിതമായി തുടരും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
