സംസ്ഥാനത്ത് മഴ മുന്നറിയിപ്പിൽ മാറ്റം; വരും ദിവസങ്ങളിൽ ജാഗ്രത തുടരുന്നു

സംസ്ഥാനത്ത് കാലവർഷക്കെടുതികൾക്ക് നേരിയ ശമനം അനുഭവപ്പെടുന്നുണ്ടെങ്കിലും വിവിധ ജില്ലകളിൽ മഴ മുന്നറിയിപ്പ് തുടരുകയാണ്. ഇന്ന് കാസർകോട്, കണ്ണൂർ, കോഴിക്കോട് എന്നീ ജില്ലകളിൽ കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചിട്ടുണ്ട്.

വരും ദിവസങ്ങളിൽ വടക്കൻ കേരളത്തിലും മധ്യകേരളത്തിലും മഴ വീണ്ടും ശക്തിപ്രാപിക്കാൻ സാധ്യതയുണ്ടെന്ന് അധികൃതർ വ്യക്തമാക്കി. ശക്തമായ കാറ്റിന് സാധ്യതയുള്ളതിനാൽ തീരദേശവാസികളും മത്സ്യത്തൊഴിലാളികളും കടലിൽ പോകരുതെന്ന് കർശന നിർദ്ദേശം നൽകിയിട്ടുണ്ട്.

ഓറഞ്ച് അലർട്ട് പ്രഖ്യാപിച്ച ദിവസങ്ങൾ:
അതിശക്തമായ മഴ മുന്നിൽക്കണ്ട് വരും ദിവസങ്ങളിൽ താഴെ പറയുന്ന ജില്ലകളിൽ ഓറഞ്ച് അലർട്ട് നിലവിലുണ്ട്:
– 06/07/2026: കണ്ണൂർ, കാസർകോട്
– 07/07/2026: കോഴിക്കോട്, കണ്ണൂർ, കാസർകോട് കേന്ദ്ര കാലാവസ്ഥാ വകുപ്പിന്റെ നിർവചനപ്രകാരം 24 മണിക്കൂറിൽ 115.6 mm മുതൽ 204.4 mm വരെ മഴ ലഭിക്കുന്ന സാഹചര്യത്തെയാണ് അതിശക്തമായ മഴ (Very Heavy Rainfall) എന്ന് വിശേഷിപ്പിക്കുന്നത്. ഇടിമിന്നലോടു കൂടിയ മഴയായിരിക്കും ഈ ദിവസങ്ങളിൽ അനുഭവപ്പെടുക.

യെല്ലോ അലർട്ട് പ്രഖ്യാപിച്ച ദിവസങ്ങൾ:
ഒറ്റപ്പെട്ടയിടങ്ങളിൽ ശക്തമായ മഴ ലഭിക്കുമെന്ന മുന്നറിയിപ്പിനെ തുടർന്ന് താഴെ പറയുന്ന ജില്ലകളിൽ യെല്ലോ അലർട്ട് പ്രഖ്യാപിച്ചു:
– 04/07/2026: പത്തനംതിട്ട, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്
– 05/07/2026: കോഴിക്കോട്, കണ്ണൂർ, കാസർകോട്
– 06/07/2026: എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്
– 07/07/2026: എറണാകുളം, തൃശൂർ, മലപ്പുറം, വയനാട്
– 08/07/2026: ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്നതിനെയാണ് ശക്തമായ മഴ (ISOL H) ആയി കണക്കാക്കുന്നത്. ഇടിമിന്നലോടു കൂടിയ മഴയോടൊപ്പം ജാഗ്രത പാലിക്കാൻ പൊതുജനങ്ങൾക്ക് നിർദ്ദേശം നൽകിയിട്ടുണ്ട്.