തിരുവനന്തപുരം: 23 വയസ്സില്‍ താഴെയുള്ളവര്‍ക്കായുള്ള സി.കെ. നായിഡു ട്രോഫി ക്രിക്കറ്റ് മത്സരത്തില്‍ തമിഴ്‌നാടിനെതിരെ കേരളത്തിന് മികച്ച തുടക്കം.
മത്സരത്തിന്റെ ആദ്യ ദിവസം കളി നിര്‍ത്തുമ്പോള്‍ എട്ട് വിക്കറ്റ് നഷ്ടത്തില്‍ 289 റണ്‍സെന്ന നിലയിലാണ് തമിഴ്‌നാട്. കേരള നിരയില്‍ അഭിജിത് പ്രവീണ്‍ നാല് വിക്കറ്റുകൾ വീഴ്ത്തി മികച്ച പ്രകടനം കാഴ്ചവച്ചു.
ടോസ് നേടി ബാറ്റിങ് തെരഞ്ഞെടുത്ത തമിഴ്‌നാടിന്റെ തുടക്കം തകര്‍ച്ചയോടെയായിരുന്നു. സ്‌കോര്‍ ബോര്‍ഡില്‍ 21 റണ്‍സ് ചേര്‍ക്കുന്നതിനിടെ അവര്‍ക്ക് മൂന്ന് വിക്കറ്റുകള്‍ നഷ്ടമായി.
എന്നാല്‍ നാലാം വിക്കറ്റില്‍ ഒത്തുചേര്‍ന്ന കിരണ്‍ കാര്‍ത്തികേയനും ക്യാപ്റ്റന്‍ മുഹമ്മദ് അലിയും ചേര്‍ന്ന് ടീമിനെ പ്രതിസന്ധിയില്‍ നിന്നും കരകയറ്റി. ഇരുവരും ചേര്‍ന്ന് ഈ കൂട്ടുകെട്ടില്‍ 155 റണ്‍സാണ് കൂട്ടിച്ചേര്‍ത്തത്.
75 റണ്‍സെടുത്ത മുഹമ്മദ് അലിയെ റിട്ടേണ്‍ ക്യാച്ചിലൂടെ പുറത്താക്കി അഭിജിത് പ്രവീണാണ് കേരളത്തിന് നിര്‍ണായകBreakthrough സമ്മാനിച്ചത്. സെഞ്ച്വറിയോട് അടുത്തെത്തിയ കിരണ്‍ കാര്‍ത്തികേയന്‍ (96) വൈകാതെ പുറത്തായി.
തുടര്‍ന്നെത്തിയ ആര്‍.കെ. ജയന്ത് (21), ആര്‍.എസ്.
അംബ്രീഷ് (18), സണ്ണി സന്ധു (38) എന്നിവരാണ് ആദ്യ ദിനം പുറത്തായ മറ്റ് താരങ്ങൾ. കേരളത്തിന് വേണ്ടി പന്തെറിഞ്ഞവരില്‍ അഭിജിത് പ്രവീണ്‍ നാല് വിക്കറ്റുകള്‍ സ്വന്തമാക്കിയപ്പോള്‍, ആദിത്യ ബൈജു, അര്‍ജുന്‍ ആര്‍.
നായര്‍ എന്നിവര്‍ രണ്ട് വിക്കറ്റ് വീതവും വീഴ്ത്തി കേരള ബൗളിങ് നിര തിളങ്ങി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
