സംസ്ഥാനത്തെ ലഹരി മാഫിയകൾക്കെതിരെ പോലീസ് ആരംഭിച്ച ഓപ്പറേഷന് തൂഫാന് ദ നാര്ക്കോ ഹണ്ട് എന്ന പ്രത്യേക ദൗത്യം അതിവേഗം പുരോഗമിക്കുന്നു. ദൗത്യം ആരംഭിച്ച് ആദ്യ 24 മണിക്കൂറിനുള്ളിൽ തന്നെ വലിയ മുന്നേറ്റം നടത്താൻ സേനയ്ക്ക് സാധിച്ചു.
സംസ്ഥാനത്താകെ ഇതുവരെ 104 കേസുകളാണ് പോലീസ് രജിസ്റ്റർ ചെയ്തിരിക്കുന്നത്. മയക്കുമരുന്ന് വിൽപ്പനയുമായും വിതരണവുമായും ബന്ധപ്പെട്ട് 137 പേരെയാണ് വിവിധയിടങ്ങളിലായി പിടികൂടിയതെന്ന് ഡിജിപി അറിയിച്ചു.
രാസലഹരി വസ്തുക്കളുടെ വിപണനം തടയുന്നതിൽ പോലീസ് കർശന നടപടികളാണ് സ്വീകരിക്കുന്നത്. ഇതിന്റെ ഭാഗമായി എംഡിഎംഎ അടക്കമുള്ള ലഹരിമരുന്നുകൾ കടത്താൻ ശ്രമിച്ച സംഘത്തെയും പോലീസ് സംഘം പിടികൂടിയിട്ടുണ്ട്.
ഓരോ ജില്ലയിലും പ്രത്യേക പോലീസ് സംഘങ്ങളെ നിയോഗിച്ചാണ് ഈ ദൗത്യം ഏകോപിപ്പിക്കുന്നത്. ആന്ധ്രാപ്രദേശിൽ നിന്നാണ് സംസ്ഥാനത്തേക്ക് ലഹരിമരുന്നുകൾ എത്തുന്നത് എന്ന കണ്ടെത്തലിന്റെ അടിസ്ഥാനത്തിൽ അതിർത്തികളിലും നിരീക്ഷണം ശക്തമാക്കിയിട്ടുണ്ട്.
വരും ദിവസങ്ങളിലും പരിശോധനകൾ തുടരുമെന്നും നിയമവിരുദ്ധ പ്രവർത്തനങ്ങളിൽ ഏർപ്പെടുന്നവർക്കെതിരെ കർശന നടപടി സ്വീകരിക്കുമെന്നും അധികൃതർ വ്യക്തമാക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
