മലയാളിയുടെ അടുക്കളയിലെ ഒരവിഭാജ്യ ഘടകമാണ് കറിവേപ്പില. കറികൾക്ക് സവിശേഷമായ രുചിയും ഗന്ധവും പകരുന്നതിൽ കറിവേപ്പിലയ്ക്ക് പ്രധാന പങ്കുണ്ട്.
വീട്ടിൽ ഒരു കറിവേപ്പ് നട്ടുപിടിപ്പിക്കുമ്പോൾ ശ്രദ്ധിക്കേണ്ട ചില കാര്യങ്ങൾ അറിയാം.
കറിവേപ്പിൻ്റെ വിത്തും തൈകളും നടാനായി ഉപയോഗിക്കാം. വിത്ത് മുളച്ച് ചെടി വളർന്നു വരാൻ കൂടുതൽ സമയമെടുക്കും എന്നതിനാൽ, തൈകൾ നട്ടുപിടിപ്പിക്കുന്നതാണ് കൂടുതൽ ഉത്തമം.
കറിവേപ്പ് നന്നായി വളരുന്നതിന് ധാരാളം സൂര്യപ്രകാശം അനിവാര്യമാണ്. അതിനാൽ, നേരിട്ട് വെയിൽ ലഭിക്കുന്ന സ്ഥലത്ത് വേണം ചെടി നടാൻ.
ചെടിക്ക് ആവശ്യത്തിന് മാത്രം വെള്ളം നൽകാൻ ശ്രദ്ധിക്കുക. വെള്ളത്തിൻ്റെ അളവ് കൂടുന്നതും കുറയുന്നതും ഒരുപോലെ ദോഷകരമാണ്.
അമിതമായി നനയ്ക്കുന്നത് വേരുകൾ അഴുകി ചെടി നശിച്ചുപോകാൻ ഇടയാക്കും. ചെടിയുടെ ആരോഗ്യകരമായ വളർച്ചയ്ക്ക് വളപ്രയോഗം അത്യാവശ്യമാണ്.
എന്നാൽ, വളം അധികമാകുന്നത് ചെടിയുടെ നാശത്തിന് കാരണമാകും. അതിനാൽ ജൈവവളങ്ങൾ മിതമായ അളവിൽ ഉപയോഗിക്കുന്നതാണ് ഏറ്റവും നല്ലത്.
ചെടിക്ക് നല്ല വളർച്ച ലഭിക്കുന്നതിനും കൂടുതൽ ശിഖരങ്ങൾ ഉണ്ടാകുന്നതിനും കൃത്യസമയത്ത് കൊമ്പുകൾ കോതി ഒതുക്കേണ്ടത് അത്യാവശ്യമാണ്. അതോടൊപ്പം, ഉണങ്ങിയതും കേടുപാടുകൾ സംഭവിച്ചതുമായ ഇലകൾ നീക്കം ചെയ്യാനും ശ്രദ്ധിക്കണം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
