ഉല്ലാസ് ചെമ്പൻ സംവിധാനത്തിൽ ‘ഡിസ്കോ’ ചിത്രത്തിലെ പുതിയ ഗാനം പുറത്തിറങ്ങി

മലയാള സിനിമാപ്രേമികൾ ഏറെ ആകാംക്ഷയോടെ കാത്തിരിക്കുന്ന ചിത്രങ്ങളിലൊന്നാണ് ‘ഡിസ്കോ’. സംഗീതപ്രേമികൾക്കിടയിൽ വലിയ ചർച്ചയായി മാറിയ “ഇതിന്നോ ആദാമേ..” എന്ന ഹിറ്റ് ഗാനത്തിന് ശേഷം, ഈ ചിത്രത്തിലെ രണ്ടാമത്തെ ഗാനം അണിയറപ്രവർത്തകർ പുറത്തുവിട്ടു.

ബ്രസീലിയൻ, മെക്സിക്കൻ സംഗീത ശൈലികളെ ഓർമ്മിപ്പിക്കുന്ന തരത്തിൽ തികച്ചും വ്യത്യസ്തമായ ഈണത്തിൽ ഒരുക്കിയിരിക്കുന്ന ‘കൗൻക’ എന്ന ഗാനമാണ് ഇപ്പോൾ പുറത്തുവന്നിരിക്കുന്നത്. ഈ മനോഹരമായ ഗാനത്തിന്റെ സംഗീത സംവിധാനവും മ്യൂസിക് പ്രൊഡക്ഷനും നിർവ്വഹിച്ചിരിക്കുന്നത് മണികണ്ഠൻ അയ്യപ്പയാണ്.

റാപ്പറായ വെനൊ മിസ്സ് ആണ് ഗാനത്തിന് വരികൾ എഴുതി ആലപിച്ചിരിക്കുന്നത്. അബിൻ പോൾ ആണ് ഗാനത്തിന്റെ മിക്സിം​ഗും മാസ്റ്ററിം​ഗും നിർവ്വഹിച്ചിട്ടുള്ളത്.

സംവിധായകൻ ഉല്ലാസ് ചെമ്പൻ്റെ സഹോദരനും പ്രശസ്ത നടനും രചയിതാവുമായ ചെമ്പൻ വിനോദ് ജോസ് ആണ് ചിത്രത്തിന് തിരക്കഥയൊരുക്കിയിരിക്കുന്നത്. ചെമ്പോസ്കി മോഷൻ പിക്ചേഴ്സിൻ്റെ ബാനറിൽ ചെമ്പൻ വിനോദ് തന്നെയാണ് ഈ ചിത്രം നിർമ്മിക്കുന്നത്.

സൂപ്പർഹിറ്റ് ചിത്രമായ ‘അങ്കമാലി ഡയറീസി’ന് ശേഷം ചെമ്പൻ വിനോദ് ജോസ് തിരക്കഥയൊരുക്കുന്ന ഈ ചിത്രത്തിൽ ആൻ്റണി വർഗീസ് പെപ്പെ ഒരു പ്രധാന വേഷത്തിലെത്തുന്നു എന്ന പ്രത്യേകതയുമുണ്ട്. വളരെ വലിയൊരു താരനിരയാണ് ചിത്രത്തിൽ അണിനിരക്കുന്നത്.

ചെമ്പൻ വിനോദ് ജോസ്, ദേവ് മോഹൻ, അർജുൻ അശോകൻ, ലുക്മാൻ അവറാൻ, ശ്രീനാഥ് ഭാസി, വിഷ്ണു ഉണ്ണികൃഷ്ണൻ, ഗായത്രി സുരേഷ്, ഫെമിന ജോർജ്, കല്യാണി അനിൽ, മീര വാസുദേവൻ, സെന്തിൽ കൃഷ്ണ, മണികണ്ഠൻ ആചാരി, അപ്പാനി ശരത്, വിനീത് തട്ടിൽ തുടങ്ങിയവർ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. നിരവധി പ്രമുഖ സാങ്കേതിക വിദഗ്ധരാണ് ഈ ചിത്രത്തിനായി ഒത്തുകൂടിയിരിക്കുന്നത്.

ഛായാഗ്രഹണം: അർമോ, സംഗീതം: മണികണ്ഠൻ അയ്യപ്പ, എഡിറ്റർ: രോഹിത് വി.എസ് വാരിയത്ത്, പ്രൊഡക്ഷൻ ഡിസൈനർ: ഗോകുൽ ദാസ്, മേക്കപ്പ്: റോണക്സ് സേവ്യർ, ആക്ഷൻ: കലൈ കിംഗ്സൺ, കോസ്റ്റ്യൂംസ്: മെൽവി ജെ, കളറിസ്റ്റ്: അശ്വത് സ്വാമിനാഥൻ, സൗണ്ട് ഡിസൈനർ: ആർ കണ്ണദാസൻ, സൗണ്ട് മിക്സ്: കണ്ണൻ ഗണപത്, എക്സിക്യൂട്ടീവ് പ്രൊഡ്യൂസർ: ശ്രീജിത്ത് ബാലൻ, പ്രൊഡക്ഷൻ കൺട്രോളർ: പ്രണവ് മോഹൻ, ചീഫ് അസോസിയേറ്റ്: മനീഷ് ഭാർഗവൻ, വിഎഫ്എക്സ്: ഐഡൻ്റ് വിഎഫ് എക്സ് ലാബ്സ്, സ്റ്റിൽസ്: ബോയ്ക്, ഡിസൈൻസ്: കൃഷ്ണപ്രസാദ്, മാർക്കറ്റിംഗ് & വിഷ്വൽ പ്രൊമോഷൻസ്: സ്‌നേക്ക്പ്ലാൻ്റ്, പി.ആർ.ഒ: ഹെയിൻസ്.