കോട്ടയം ജില്ലയിലെ പ്രമുഖ പാതയായ തണ്ണീർമുക്കം ബണ്ട് റോഡിലെ തകർന്നുകിടക്കുന്ന ഭാഗങ്ങൾ നന്നാക്കുന്നതിനുള്ള പ്രവർത്തനങ്ങൾ വരും ദിവസങ്ങളിൽ ആരംഭിക്കും. സെപ്റ്റംബർ 3 മുതൽ നിർമ്മാണ ജോലികൾ തുടങ്ങി, സെപ്റ്റംബർ 5നുള്ളിൽ തന്നെ റോഡ് പൂർണ്ണമായി ഗതാഗത യോഗ്യമാക്കാനാണ് അധികൃതർ ലക്ഷ്യമിടുന്നത്.
ജലവിഭവ വകുപ്പിന്റെ കീഴിലുള്ള ഇൻലാൻഡ് നാവിഗേഷൻ വിഭാഗത്തിന്റെ നേതൃത്വത്തിൽ 1.4 കോടി രൂപ ചെലവഴിച്ചാണ് ഈ നവീകരണ പ്രവർത്തനങ്ങൾ നടപ്പിലാക്കുന്നത്. മന്ത്രി മോൻസ് ജോസഫിന്റെ നേതൃത്വത്തിൽ ചേർന്ന ഉന്നതതല യോഗത്തിലാണ് ഇതുസംബന്ധിച്ച അന്തിമ തീരുമാനമുണ്ടായത്.
റോഡിലെ വലിയ കുഴികൾ അടച്ച് നിലവിലുള്ള ഗതാഗതക്കുരുക്കിന് അടിയന്തരമായി പരിഹാരം കാണുകയാണ് ആദ്യ ഘട്ടത്തിൽ ലക്ഷ്യമിടുന്നത്. ഇതിനായി ബിഎം ലെയർ പണികൾ പൂർത്തിയാക്കി റോഡ് സഞ്ചാരയോഗ്യമാക്കും.
ഇതിനുശേഷം തുടർനടപടിയെന്ന നിലയിൽ റോഡിൽ പൂർണ്ണമായ തോതിൽ ബിഎംബിസി ടാറിങ് ജോലികൾ പൂർത്തിയാക്കുന്നതാണ്. റോഡിലെ യാത്രാദുരിതങ്ങളും രൂക്ഷമായ ഗതാഗതക്കുരുക്കും സംബന്ധിച്ച വാർത്തകൾ പുറത്തുവന്നതിനെ തുടർന്ന്, മന്ത്രി മോൻസ് ജോസഫ് നേരിട്ട് സ്ഥലം സന്ദർശിച്ചിരുന്നു.
അറ്റകുറ്റപ്പണികളുടെ പുരോഗതി ഓരോ ദിവസവും നേരിട്ട് വിലയിരുത്തുമെന്ന് അദ്ദേഹം വ്യക്തമാക്കിയിട്ടുണ്ട്. റോഡ് സന്ദർശന വേളയിൽ മന്ത്രിയോടൊപ്പം കെ.
ഫ്രാൻസിസ് ജോർജ് എംപി, കെ. ബിനിമോൻ എംഎൽഎ എന്നിവരും സന്നിഹിതരായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
