എടത്തനാട്ടുകര∙ ഇന്നലെ രാവിലെ മുതലുണ്ടായ ശക്തമായ മഴയിൽ ചളവ ഗവ.യുപി സ്കൂൾ ചുറ്റുമതിലിന്റെ ഒരു ഭാഗം തകർന്നുവീണു. ഇന്നലെ വൈകുന്നേരം മൂന്നരയോടെയാണ് ചളവ മൂനാ‌‌‌ടി റോഡിലേക്കു മതിൽ ഇടിഞ്ഞു വീണത്.
ഈ സമയം ആളുകളോ, വാഹനങ്ങളോ ഇതു വഴി കടന്നുപോകാത്തതു കാരണം അപകടം ഒഴിവായി. സ്കൂൾ വിദ്യാർഥികൾ ഉൾപ്പെടെ ഒട്ടേറെ ആളുകൾ നടന്നുപോകുന്ന വഴിയാണിത്.
മതിൽ തകർന്നു വീണതിനാൽ ഇതിനോടു ചേർന്നുള്ള കെട്ടിടങ്ങൾക്കും ഭീഷണിയായിട്ടുണ്ട്.
ഏകദേശം 35 വർഷം മുൻപു നിർമിച്ച മതിലിന്റെ മറ്റു ഭാഗങ്ങളെല്ലാം കാലപ്പഴക്കം കാരണം ഏതുനിമിഷവും തകർന്നു വീഴുന്ന അവസ്ഥയിലാണ്. ഇതു പൊളിച്ചുമാറ്റി പുതിയ മതിൽ നിർമിക്കാൻ ആവശ്യമായ നടപടികൾ സ്വീകരിക്കണമെന്നാണ് നാട്ടുകാരുടെ ആവശ്യം. പഞ്ചായത്തംഗത്തിന്റെ നേതൃത്വത്തിൽ പഞ്ചായത്ത് വില്ലേജ് അധികൃതർ സ്ഥലം സന്ദർശിച്ചു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
