കുട്ടികള്ക്കുള്പ്പെടെ വില്പ്പന നടത്തുന്നതിനായി കഞ്ചാവ് സൂക്ഷിച്ച മൂന്ന് പേരെ വലപ്പാട് പോലീസും തൃശ്ശൂര് റൂറല് ഡാന്സാഫ് സംഘവും ചേര്ന്ന് പിടികൂടി. ആദിത്യൻ (21), സബാഹ് (19), സിനാൻ (20) എന്നിവരാണ് അറസ്റ്റിലായത്.
വലപ്പാട് കോതകുളം ജവാന് കോര്ണര് സ്വദേശിയാണ് ആദിത്യൻ. തവളക്കുളം വില്ലേജ് എസ്.എന്.
സെന്റര് സ്വദേശിയാണ് സബാഹ്. കയ്പമംഗലം കൂരിക്കുഴി സ്വദേശിയാണ് സിനാന്.
കഴിഞ്ഞ 28-ന് വൈകീട്ട് 6:30-ഓടെ വലപ്പാട് കഴിമ്പ്രം തവളക്കുളം എസ്.എന്. സെന്റെറിന് സമീപം നടത്തിയ പരിശോധനയിലാണ് പ്രതികളെ 36.15 ഗ്രാം കഞ്ചാവുമായി പിടികൂടിയത്.
ഇവര് സഞ്ചരിച്ചിരുന്ന ഇന്റര്സെപ്റ്റര് ബുള്ളറ്റ്, റോയല് എന്ഫീല്ഡ് ബുള്ളറ്റ്, ഹോണ്ട ആക്ടീവ സ്കൂട്ടര് എന്നിവയില് ഒളിപ്പിച്ച നിലയിലാണ് കഞ്ചാവ് കണ്ടെത്തിയത്.
ഏഴ് പൊതികളിലായാണ് ഇത് സൂക്ഷിച്ചിരുന്നത്. തുടര്ന്ന് മൂന്ന് വാഹനങ്ങളും പോലീസ് കസ്റ്റഡിയിലെടുത്തു.
അറസ്റ്റിലായ പ്രതികളില് ആദിത്യന് വലപ്പാട് പോലീസ് സ്റ്റേഷന് പരിധിയില് മയക്കു മരുന്ന് ഉപയോഗിച്ച കേസിലും മനുഷ്യ ജീവന് അപകടം വരത്തക്ക വിധം വാഹനമോടിച്ച കേസിലും പ്രതിയാണ്. വലപ്പാട് പോലീസ് സ്റ്റേഷന് എസ്.ഐ.
മൗഷമി സി.ആര്., എസ്.ഐ. അമല് രാജ് ആര്., സി.പി.ഒ.
അബീഷ് എന്നിവരും തൃശ്ശൂര് റൂറല് ഡാന്സാഫ് സംഘാംഗങ്ങളും ഉള്പ്പെട്ട അന്വേഷണ സംഘമാണ് പ്രതികളെ പിടികൂടിയത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
