ആർട്ടിഫിഷ്യൽ ഇന്റലിജൻസ് (എഐ) അധിഷ്ഠിത വീഡിയോ എഡിറ്റിംഗ് രംഗത്ത് സുപ്രധാന ചുവടുവെപ്പുമായി ഗൂഗിൾ. ടെക്സ്റ്റ് നിർദേശങ്ങൾ നൽകിക്കൊണ്ട് വീഡിയോകൾ എഡിറ്റ് ചെയ്യാൻ സഹായിക്കുന്ന **ജെമിനൈ ഓംനി (Gemini Omni)** സംവിധാനം ഇന്ത്യയിലും ലഭ്യമാക്കിയതായി കമ്പനി ഔദ്യോഗികമായി അറിയിച്ചു.
ജെമിനി ആപ്പിലൂടെയും വെബ് പ്ലാറ്റ്ഫോമിലൂടെയും ഉപയോക്താക്കൾക്ക് ഈ സേവനം ഉപയോഗപ്പെടുത്താം. ഗൂഗിളിന്റെ ഏറ്റവും പുതിയ മൾട്ടിമോഡൽ എഐ മോഡലായ **ജെമിനൈ ഓംനി**, ടെക്സ്റ്റ്, ചിത്രങ്ങൾ, ഓഡിയോ, വീഡിയോ എന്നിവ കൃത്യമായി വിശകലനം ചെയ്ത് പുതിയ കണ്ടന്റുകൾ നിർമ്മിക്കാൻ ശേഷിയുള്ളതാണ്.
വീഡിയോ എഡിറ്റിംഗിനായി പ്രത്യേകം രൂപകൽപ്പന ചെയ്ത ഈ ടൂൾ ഉപയോഗിക്കാൻ, ഉപയോക്താക്കൾ ആദ്യം ഒരു വീഡിയോ ക്ലിപ്പ് പ്ലാറ്റ്ഫോമിലേക്ക് അപ്ലോഡ് ചെയ്യണം. തുടർന്ന്, “ഈ സീനിന് സിനിമാറ്റിക് ലുക്ക് നൽകുക”, “ബാക്ക്ഗ്രൗണ്ട് മാറ്റുക”, “നീയോൺ ലൈറ്റിംഗ് ചേർക്കുക” തുടങ്ങിയ നിർദേശങ്ങൾ നൽകിയാൽ എഐ വീഡിയോയിൽ ആവശ്യമായ മാറ്റങ്ങൾ വരുത്തും.
ഇതിലെ പ്രധാന പ്രത്യേകത **കൺവേഴ്സേഷണൽ എഡിറ്റിംഗ്** എന്ന സംവിധാനമാണ്. ഒറ്റ പ്രോംപ്റ്റിൽ എല്ലാ കാര്യങ്ങളും പറയുന്നതിന് പകരം, ചാറ്റ് ചെയ്യുന്നതുപോലെ ഘട്ടംഘട്ടമായി നിർദേശങ്ങൾ നൽകി വീഡിയോ മെച്ചപ്പെടുത്താം.
നേരത്തെ നൽകിയ നിർദേശങ്ങൾ മോഡൽ ഓർത്തുവയ്ക്കുന്നതിനാൽ തുടർച്ചയായ എഡിറ്റിംഗിന് ഇത് വളരെയധികം സഹായിക്കുന്നു. ഇതിനുപുറമെ, സ്വന്തം ശബ്ദം ഉപയോഗിച്ച് ഡിജിറ്റൽ അവതാർ നിർമ്മിക്കാവുന്ന ‘അവതാർസ്’ ഫീച്ചറും ഗൂഗിൾ അവതരിപ്പിച്ചിട്ടുണ്ട്.
നിലവിൽ ചില സാങ്കേതിക പരിമിതികളും ഈ സേവനത്തിനുണ്ട്. ഇപ്പോൾ പരമാവധി 10 സെക്കൻഡ് ദൈർഘ്യമുള്ള വീഡിയോകൾ മാത്രമേ എഡിറ്റ് ചെയ്യാനോ നിർമ്മിക്കാനോ സാധിക്കൂ.
എങ്കിലും വരുംകാലങ്ങളിൽ കൂടുതൽ ദൈർഘ്യമുള്ള വീഡിയോകൾക്കായി ഈ സൗകര്യം വിപുലീകരിക്കുമെന്ന് ഗൂഗിൾ വ്യക്തമാക്കി. എഐ നിർമ്മിത ഉള്ളടക്കങ്ങളെ തിരിച്ചറിയുന്നതിനായി **സിന്ത് ഐഡി (SynthID)** എന്ന ഡിജിറ്റൽ വാട്ടർമാർക്കിംഗ് സംവിധാനവും ഇതിൽ ഉൾപ്പെടുത്തിയിട്ടുണ്ട്.
നിലവിൽ ഗൂഗിൾ എഐ പ്ലസ്, പ്രോ, അൾട്രാ സബ്സ്ക്രൈബർമാർക്കാണ് ഈ സേവനം ലഭിക്കുക. ഭാവിയിൽ യൂട്യൂബ് ഷോർട്സിലേക്കും യൂട്യൂബ് ക്രിയേറ്റിലേക്കും ഈ സാങ്കേതികവിദ്യ വ്യാപിപ്പിക്കാനാണ് ഗൂഗിളിന്റെ തീരുമാനം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
