ചെറുവത്തൂർ∙ ജല അതോറിറ്റി അധികൃതർ സ്ഥാപിച്ച കൺട്രോൾ വാൽവിന്റെ മൂടാത്ത കുഴിയിൽ കാൽ കുടുങ്ങി സഹകരണ ബാങ്ക് ജീവനക്കാരന്റെ കാലൊടിഞ്ഞു. കാൽ പാദത്തിന്റെ എല്ല് പൊട്ടി.
ചെറുവത്തൂർ ഫാർമേഴ്‌സ് സഹകരണ ബാങ്ക് സീനിയർ ക്ലാർക്ക് വെങ്ങാട്ടെ ഇ.മനോജ് കുമാറിനെയാണ് ഗുരുതരമായി പരുക്കേറ്റ് മംഗളൂരുവിലെ ആശുപത്രിയിൽ പ്രവേശിപ്പിച്ചത്. വീടിനടുത്തുള്ള റോഡിലൂടെ നടന്നുവരുമ്പോഴാണ് കൺട്രോൾ വാൽവിന്റെ തുറന്നിട്ട കുഴിയിൽ മനോജ് കുമാറിന്റെ കാൽ കുടുങ്ങിയത്.
ഓടിയെത്തിയ നാട്ടുകാരാണ് ഏറെസമയം പണിപ്പെട്ട് ഇദ്ദേഹത്തെ കുഴിയിൽ നിന്ന് പുറത്തെടുത്തത്.
ചീമേനി ഭാഗത്തു നിന്നു ചെറുവത്തൂർ മുണ്ടക്കണ്ടം, വെങ്ങാട്ട് ഭാഗങ്ങളിലേക്ക് വെള്ളം വിതരണം ചെയ്യുന്നതിന്റെ ഭാഗമായി ദേശീയ പാതയിൽ നിന്ന് വെങ്ങാട്ട് റെയിൽവേ ലൈൻ റോഡിന്റെ തുടക്കത്തിൽ ജലഅതോറിറ്റി സ്ഥാപിച്ച കൺട്രോൾ വാൽവിന് വേണ്ടി കുഴിച്ച കുഴിയിലാണ് കാൽ കുടുങ്ങിയത്. ജല അതോറിറ്റി അധികൃതരെ നാട്ടുകാർ അപകട വിവരം അറിയിച്ചിട്ടും അവർ തിരിഞ്ഞുനോക്കിയിട്ടില്ലെന്നും നാട്ടുകാർ പറഞ്ഞു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
