ജിബോർഡ് സ്വകാര്യത ആശങ്കകളും സുരക്ഷാ ക്രമീകരണങ്ങളും മാറ്റേണ്ട വിധവും

സ്മാർട്ട്ഫോണുകളിൽ വ്യാപകമായി ഉപയോഗിക്കപ്പെടുന്ന കീബോർഡ് ആപ്ലിക്കേഷനായ ജിബോർഡ് (Gboard) വലിയതോതിൽ ഉപയോക്തൃ സ്വകാര്യതയെ ബാധിക്കുന്നുണ്ടെന്ന കണ്ടെത്തലുകൾ ആശങ്ക ഉണർത്തുന്നു. ദിവസേന ഉപയോഗിക്കുന്ന ഈ കീബോർഡിലൂടെ കടന്നുപോകുന്ന വ്യക്തിഗത വിവരങ്ങളുടെ സുരക്ഷ സംബന്ധിച്ച് നിരവധി ചോദ്യങ്ങളാണ് ഉയരുന്നത്.

പലരും ഇതര ആൻഡ്രോയിഡ് കീബോർഡുകൾ പരീക്ഷിക്കാറുണ്ടെങ്കിലും, പരിചിതമായ ഫീച്ചറുകൾ കാരണം വീണ്ടും ജിബോർഡിലേക്ക് തന്നെ മടങ്ങിയെത്തുകയാണ് പതിവ്. ഈ സാഹചര്യത്തിലാണ് ഇതിന്റെ സ്വകാര്യത ക്രമീകരണങ്ങൾ പരിശോധിക്കാനും മാറ്റങ്ങൾ വരുത്താനും ഉപയോക്താക്കൾ നിർബന്ധിതരാകുന്നത്.

സ്വകാര്യത സംബന്ധിച്ച ഏറ്റവും വലിയ ആശങ്ക ജിബോർഡിന്റെ ഡിഫോൾട്ട് നെറ്റ്‌വർക്ക് ആക്സസ് ആണ്. ഏതൊക്കെ ആപ്പുകളിലാണ് ടൈപ്പ് ചെയ്യുന്നത്, ടൈപ്പ് ചെയ്യാൻ എടുത്ത സമയം, വാക്കിന്റെ നീളം, ഉപയോഗിക്കുന്ന ഭാഷകൾ തുടങ്ങിയ ഉപയോഗ വിവരങ്ങൾ ഗൂഗിളിലേക്ക് (Google) അയക്കാൻ ഈ കണക്ഷൻ ഉപയോഗിക്കുന്നുണ്ട്.

പരിശീലന പ്രക്രിയയിൽ ഉത്ഭവിക്കുന്ന ഗണിതശാസ്ത്രപരമായ അപ്ഡേറ്റുകളിൽ നിന്ന് യഥാർത്ഥ ടൈപ്പ് ചെയ്ത വാക്കുകൾ ഗവേഷകർ പുനർനിർമ്മിച്ചതായി പഠനങ്ങൾ ചൂണ്ടിക്കാണിക്കുന്നു. അതായത്, നേരിട്ട് ടൈപ്പ് ചെയ്ത വചനങ്ങളുടെ പകർപ്പ് ഗൂഗിളിലേക്ക് അപ്‌ലോഡ് ചെയ്യപ്പെടുന്നില്ലെങ്കിലും, ആ ഡാറ്റ പൂർണ്ണമായും സുരക്ഷിതമാണെന്ന് കരുതാനാകില്ല.

ഉപയോക്താവിന്റെ ആൻഡ്രോയിഡ് ഐഡി (Android ID) പോലുള്ള വിവരങ്ങളുമായി ഈ ഡാറ്റ ബന്ധിപ്പിക്കപ്പെടാം എന്നതും മറ്റൊരു പ്രധാന പ്രശ്നമാണ്. ഗൂഗിൾ അക്കൗണ്ടുമായി ബന്ധപ്പെട്ട

വിവരങ്ങൾ വഴി ഇത് വ്യക്തികളെ തിരിച്ചറിയാൻ കാരണമായേക്കാം. സെൻസിറ്റീവ് വിവരങ്ങൾ കൈകാര്യം ചെയ്യുന്ന കീബോർഡ് ഇത്തരം വിവരങ്ങൾ ശേഖരിക്കുന്നതും മോഡലുകൾ മെച്ചപ്പെടുത്താൻ ഉപയോഗിക്കുന്നതും ഒഴിവാക്കാൻ നിരവധി പേർ ക്രമീകരണങ്ങൾ മാറ്റാൻ തുടങ്ങിയിട്ടുണ്ട്.

ജിബോർഡിൽ മാറ്റങ്ങൾ വരുത്തേണ്ട സ്വകാര്യത ക്രമീകരണങ്ങൾ ആപ്പിൽ ടൈപ്പ് ചെയ്യുമ്പോൾ വരുന്ന കീബോർഡ് സെറ്റിങ്സ് ഐക്കൺ വഴിയോ അല്ലെങ്കിൽ ഫോണിലെ സെറ്റിങ്സ് വഴി സിസ്റ്റം, കീബോർഡ്, ജിബോർഡ്, പ്രൈവസി എന്നീ ഓപ്ഷനുകൾ വഴിയോ ഈ ക്രമീകരണങ്ങൾ നിയന്ത്രിക്കാം.

ഉപയോഗ സ്ഥിതിവിവരക്കണക്കുകൾ പങ്കിടുക (Share usage statistics): കീബോർഡ് മെച്ചപ്പെടുത്താൻ ഗൂഗിളിനെ സഹായിക്കുന്നതിനായി ഉപയോഗ വിവരങ്ങൾ ശേഖരിക്കാൻ ജിബോർഡിന് സാധിക്കും. ട്രാക്കിംഗ് ഒഴിവാക്കാൻ ഈ ഫീച്ചർ ഓഫ് ചെയ്യുന്നതാണ് ഉചിതം.

വ്യക്തിഗതമാക്കൽ (Personalize for you): തിരിച്ചറിയലും വ്യക്തിഗതമാക്കലും മെച്ചപ്പെടുത്താൻ ടൈപ്പിംഗ്, വോയ്സ് ടൈപ്പിംഗ് ശീലങ്ങളിൽ നിന്ന് ജിബോർഡിന് പഠിക്കാൻ സാധിക്കുമെന്ന് ഗൂഗിൾ വ്യക്തമാക്കുന്നു. പഠിച്ച വിവരങ്ങൾ ഉപകരണത്തിൽ തന്നെയാണ് സൂക്ഷിക്കുന്നത് എങ്കിലും, പ്രൈവസി സെറ്റിങ്സിൽ നിന്ന് ഇവ ഡിലീറ്റ് ചെയ്യാനും ഫീച്ചർ ഓഫ് ചെയ്യാനും സാധിക്കും.

ശീലങ്ങളുടെ പ്രൊഫൈൽ നിർമ്മിക്കുന്നത് ഒഴിവാക്കാൻ ഈ ഫീച്ചർ മാറ്റിവെക്കാവുന്നതാണ്. എല്ലാവർക്കും മെച്ചപ്പെടുത്തുക (Improve for everyone): പുതിയ വാക്കുകൾ പഠിക്കാൻ ഫെഡറേറ്റഡ് ലേണിംഗ് ആണ് ജിബോർഡ് ഉപയോഗിക്കുന്നത്.

ഉപയോക്താവിന്റെ ഡിവൈസ് പ്രവർത്തനങ്ങളിൽ നിന്ന് ആപ്പ് പഠിക്കുകയും വിവരങ്ങൾ ഗൂഗിളിന് അയക്കുകയും ചെയ്യുന്നു. ഫോൺ ചാർജ് ചെയ്യുമ്പോഴും വൈഫൈ ബന്ധിപ്പിച്ചിരിക്കുമ്പോഴും ഉപയോഗത്തിലില്ലാത്തപ്പോഴമാണ് ഈ പഠനം നടക്കുന്നത്.

യഥാർത്ഥ ടെക്സ്റ്റോ ശബ്ദമോ നേരിട്ട് അയക്കില്ലെങ്കിലും, ഈ പ്രക്രിയയിൽ സ്വന്തം ടൈപ്പിംഗ് പാറ്റേണുകൾ നൽകാൻ താൽപ്പര്യമില്ലാത്തവർക്ക് ഇത് ഓഫ് ചെയ്യാവുന്നതാണ്. ഓഡിയോ സംഭാവനകൾ (Audio donations): വോയ്സ് ടൈപ്പിംഗ് ഉപയോഗിക്കുമ്പോൾ സംസാര തിരിച്ചറിയൽ മെച്ചപ്പെടുത്താൻ ഓഡിയോ സ്നിപ്പറ്റുകൾ സംഭാവന ചെയ്യാനുള്ള ഓപ്ഷൻ ഗൂഗിൾ നൽകുന്നുണ്ട്.

15 സെക്കൻഡ് മുതൽ 25 സെക്കൻഡ് വരെയുള്ള ഈ ക്ലിപ്പുകൾ ഗൂഗിളിലേക്ക് അയക്കുകയും സ്റ്റോർ ചെയ്യുകയും ചെയ്യുന്നു. സാങ്കേതികവിദ്യ മെച്ചപ്പെടുത്തുന്നതിന്റെ ഭാഗമായി മനുഷ്യരായ റിവ്യൂവർമാർ ഇവ കേൾക്കുകയോ ട്രാൻസ്ക്രൈബ് ചെയ്യുകയോ ചെയ്തേക്കാം.

ഗൂഗിൾ അക്കൗണ്ടുമായി ബന്ധിപ്പിച്ചിട്ടില്ലാത്ത ഈ ഫീച്ചർ ഓഫാക്കുന്നത് വഴി വോയ്സ് ഡിക്ടേഷനെ ബാധിക്കില്ല. മറ്റു കീബോർഡുകൾ പരീക്ഷിച്ചെങ്കിലും സൗകര്യപ്രദമായതിനാൽ ജിബോർഡിൽ തന്നെ തുടരാൻ ആഗ്രഹിക്കുന്നവർ, പ്രൈവസി സെറ്റിങ്സ് പരിശോധിക്കുന്നത് ഉചിതമായിരിക്കും.

ചെറിയ മാറ്റങ്ങളിലൂടെ ഉപയോക്താക്കൾക്ക് കൂടുതൽ സുരക്ഷിതമായി ഈ കീബോർഡ് തുടർന്നും ഉപയോഗിക്കാൻ സാധിക്കും.