സൈജു കുറുപ്പ് നായകനാകുന്ന ‘ഹരിവരാസനം’ സിനിമയുടെ ഡബ്ബിംഗ് ആരംഭിച്ചു

മോഹിനിയാട്ടത്തിനു ശേഷം പ്രമുഖ താരം സൈജു കുറുപ്പ് നായകനിരയിലെത്തുന്ന പുതിയ ചിത്രമായ ഹരിവരാസനം എന്ന സിനിമയുടെ ഡബ്ബിംഗ് പ്രവർത്തനങ്ങൾ ആരംഭിച്ചു. സൈജു കുറുപ്പ് തന്നെയാണ് ഇക്കാര്യം ഔദ്യോഗികമായി അറിയിച്ചിട്ടുള്ളത്.

നിലവിൽ ഈ സിനിമയുടെ പ്രീ-പ്രൊഡക്ഷൻ ജോലികൾ അവസാന ഘട്ടത്തിലേക്ക് കടന്നിരിക്കുകയാണ്. മലയാള സിനിമാസ്വാദകർക്ക് മികച്ച ദൃശ്യാനുഭവങ്ങൾ സമ്മാനിച്ചിട്ടുള്ള അജിത് വിനായക ഫിലിംസ് ബാനറിൽ വിനായക അജിത് ആണ് ഈ ചിത്രം നിർമ്മിക്കുന്നത്.

‘സാൾട്ട് മാംഗോ ട്രീ’, ‘തൃശൂർ പൂരം’ എന്നീ ജനപ്രിയ ചിത്രങ്ങൾക്ക് ശേഷം രാജേഷ് നായർ സംവിധാനം ചെയ്യുന്ന ചിത്രമാണിത്. ഡോ.

അമ്പാടി. കെ ആണ് ചിത്രത്തിന്റെ രചന നിർവഹിച്ചിരിക്കുന്നത്.

സൈജു കുറുപ്പ് പ്രധാന വേഷത്തിലെത്തുന്ന ഈ ചിത്രത്തിൽ തെന്നിന്ത്യയിലെ പ്രഗത്ഭരായ മറ്റ് താരങ്ങളും അണിനിരക്കുന്നുണ്ട്. ചിത്രീകരണത്തിനായി തിരുവനന്തപുരത്തെ ചിത്രാഞ്ജലി സ്റ്റുഡിയോയിൽ ശബരിമലയുടെ പടുകൂറ്റൻ സെറ്റിന്റെ നിർമ്മാണ ജോലികൾ വേഗത്തിൽ പുരോഗമിക്കുകയാണ്.

വൻ വിജയമായ ‘മാളികപ്പുറം’ സിനിമയ്ക്ക് ശേഷം രഞ്ജിൻ രാജ് ആണ് ഈ ചിത്രത്തിനായി സംഗീതം ഒരുക്കുന്നത്. ഈ വരുന്ന ജൂലൈ മാസത്തിൽ ചിത്രത്തിന്റെ ഔദ്യോഗിക ഷൂട്ടിംഗ് തിരുവനന്തപുരത്ത് വെച്ച് ആരംഭിക്കും.

ചിത്രത്തിന്റെ മറ്റു പ്രധാന അണിയറപ്രവർത്തകർ ഇവരാണ്: പ്രോജക്റ്റ് ഡിസൈനർ – ആർ ജയചന്ദ്രൻ, ഡി.ഒ.പി – സജാദ് കാക്കു, എഡിറ്റർ – അജീഷ് ഇടമൺ, പ്രൊഡക്ഷൻ കൺട്രോളർ – ശശി പൊതുവാൾ, പ്രൊഡക്ഷൻ ഡിസൈനർ – രാഖിൽ, വസ്ത്രാലങ്കാരം – സ്റ്റെഫി സേവ്യർ, ചീഫ് അസ്സോസിയേറ്റ് ഡയറക്ടർ – പാർത്ഥൻ. സി, മേക്കപ്പ് – ഹസ്സൻ വണ്ടൂർ, അസ്സോസിയേറ്റ് ഡയറക്റ്റർ – നിധീഷ്, സ്റ്റിൽസ് – ജെഫിൻ ബിജോയ്, ഡിസൈൻ – ഇല്ലുമിനാർട്ടിസ്റ്റ്, പി.ആർ.ഒ – പ്രതീഷ് ശേഖർ, അഡ്വർടൈസിങ്‌ – ബ്രിങ്ഫോർത്ത്.