ഗാർമിൻ വെനു 3 സ്മാർട്ട് വാച്ചിന് റെക്കോർഡ് വിലക്കിഴിവ് പ്രഖ്യാപിച്ച് ആമസോൺ

ആരോഗ്യ ഫിറ്റ്നസ് വിവരങ്ങൾ കൃത്യമായി നിരീക്ഷിക്കുന്നതിൽ മുൻപന്തിയിലാണ് സ്മാർട്ട് വാച്ചുകൾ എങ്കിലും മികച്ച ബാറ്ററി ബാക്ക്അപ്പ് നൽകുന്നതിലൂടെ വിപണിയിൽ തങ്ങളുടേതായ സ്ഥാനം നിലനിർത്തുകയാണ് ഗാർമിൻ കമ്പനി. ഇതിന് മികച്ച ഉദാഹരണമാണ് ഗാർമിൻ വെനു 3 (Garmin Venu 3) സ്മാർട്ട് വാച്ച്.

ഒറ്റച്ചാർജിൽ പരമാവധി 14 ദിവസത്തെ ബാറ്ററി ലൈഫ് വാഗ്ദാനം ചെയ്യുന്ന ഈ വാച്ച് ലളിതമായ ഡിസൈനിലാണ് വിപണിയിലെത്തിയിരിക്കുന്നത്. നിലവിൽ പ്രസ്തുത ഉൽപ്പന്നത്തിന് വൻ വിലക്കിഴിവാണ് ഉപഭോക്താക്കൾക്ക് ലഭിക്കുന്നത്.

ആമസോൺ (Amazon) പ്ലാറ്റ്‌ഫോമിൽ ഇതിന്റെ സാധാരണ ചില്ലറ വിൽപ്പന വിലയായ $450-ൽ നിന്നും 38 ശതമാനം ഇളവാണ് നൽകിയിരിക്കുന്നത്. ഇതോടെ $280 എന്ന ഏറ്റവും കുറഞ്ഞ നിരക്കിൽ വാച്ച് സ്വന്തമാക്കാൻ സാധിക്കും.

കൃത്യതയ്ക്കും ദീർഘകാലം നീണ്ടുനിൽക്കുന്ന ബാറ്ററി ലൈഫിനും പേരുകേട്ടതാണ് ഗാർമിൻ ബ്രാൻഡിന്റെ പ്രീമിയം ഫിറ്റ്നസ് വാച്ചുകൾ. ഉറക്ക നിരീക്ഷണത്തിന് പ്രത്യേക മുൻഗണന നൽകുന്നതിനൊപ്പം മികച്ച പ്രകടനമാണ് ഗാർമിൻ വെനു 3 കാഴ്ചവെക്കുന്നത്.

1.4 ഇഞ്ച് വലിപ്പമുള്ള വലിയ AMOLED ഡിസ്‌പ്ലേയോട് കൂടിയ ഈ ഫിറ്റ്നസ് വാച്ചിൽ ആനിമേഷൻ വർക്ക്ഔട്ടുകൾ, ബിൽറ്റ്-ഇൻ ഫിറ്റ്‌നസ് കോച്ച്, ആവശ്യമായ മുഴുവൻ ആരോഗ്യ അളവുകോലുകളും ലഭ്യമാക്കിയിരിക്കുന്നു. ഉപയോക്താക്കളുടെ ആരോഗ്യ-ഫിറ്റ്നസ് വിവരങ്ങൾ സമഗ്രമായി വിശകലനം ചെയ്യാൻ ഇതിലെ സെൻസറുകൾ സഹായിക്കുന്നു.

ഉറക്കത്തിന്റെ ഗുണനിലവാരം, സമ്മർദ്ദ ലെവലുകൾ എന്നിവയും ഇത് കൃത്യമായി വിലയിരുത്തുന്നു. വർക്ക്ഔട്ട് ലക്ഷ്യങ്ങൾ കൈവരിക്കുന്നതിനും മാരത്തോണുകൾക്കായി പരിശീലനം നേടുന്നതിനും വാച്ച് ഉപയോക്താക്കൾക്ക് പിന്തുണ നൽകുന്നു.

ശരീരത്തിന്റെ പ്രവർത്തനങ്ങളെക്കുറിച്ച് ബോധവാന്മാരാക്കാൻ സഹായിക്കുന്ന മോർണിംഗ് റിപ്പോർട്ടും ഇതിലുണ്ട്. സ്മാർട്ട് വാച്ച് എന്ന നിലയിൽ കോളുകൾ വിളിക്കാനും സ്വീകരിക്കാനും, റിസ്റ്റ് നോട്ടിഫിക്കേഷനുകൾ ലഭിക്കാനും, പണമിടപാടുകൾ നടത്താനും ഇതിൽ സൗകര്യമുണ്ട്.

സോഫ്റ്റ്‌വെയർ, ഹാർഡ്‌വെയർ സവിശേഷതകൾ ഒത്തിണങ്ങിയ മികച്ചൊരു ഉപകരണമാണിത്. എന്നാൽ ഇതിനൊപ്പം നൽകിയിരിക്കുന്ന പ്രൊപ്രൈറ്ററി ചാർജറാണ് ഉപയോക്താക്കൾക്ക് ചെറിയൊരു പോരായ്മയായി അനുഭവപ്പെടുക.

45mm കേസ് സൈസും, പോളിമറും സ്റ്റെയിൻലെസ് സ്റ്റിൽ ബെസലും ചേർന്ന കേസ് മെറ്റീരിയലുമാണ് ഇതിലുള്ളത്. 454×454 ഡിസ്‌പ്ലേ റെസല്യൂഷനോട് കൂടിയ എഎംഒഎൽഇഡി സ്ക്രീനാണ് ഇതിന്റെ മറ്റൊരു പ്രധാന ആകർഷണം.