എന്തുകൊണ്ടാണ് ഗൂഗിൾ കീപ്പ് ആൻഡ്രോയിഡിലെ ഏറ്റവും മികച്ച നോട്ട് ടേക്കിംഗ് ആപ്പായി മാറുന്നത്?

ആൻഡ്രോയിഡ് ഉപയോക്താക്കൾക്കിടയിൽ ഏറെ ജനപ്രീതിയുള്ള ഗൂഗിൾ കീപ്പ് (Google Keep) ലളിതമായ രൂപകൽപ്പന കൊണ്ട് എപ്പോഴും ശ്രദ്ധിക്കപ്പെട്ടിട്ടുണ്ട്. ഫോൾഡറുകളോ സങ്കീർണ്ണമായ ഡാറ്റാബേസുകളോ ഇല്ലാതെ എളുപ്പത്തിൽ നോട്ടുകൾ കുറിച്ചിടാൻ സാധിക്കുന്നു എന്നതാണ് ഇതിന്റെ പ്രധാന ആകർഷണം.

വൺനോട്ട്, എവർനോട്ട് തുടങ്ങിയ ആപ്പുകളിൽ നിന്ന് വ്യത്യസ്തമായി പ്രത്യേക നോട്ട്ബുക്കുകളോ ടെംപ്ലേറ്റുകളോ തിരഞ്ഞെടുക്കാതെ തന്നെ പെട്ടെന്ന് ഉപയോഗിക്കാൻ സാധിക്കുമെന്നതാണ് ഇതിന്റെ ഏറ്റവും വലിയ കരുത്ത്. എങ്കിലും, ലളിതമെന്നതിലുപരി ആർട്ടിഫിഷ്യൽ ഇന്റലിജൻസ് സംവിധാനമായ ജെമിനി (Gemini)യുമായുള്ള പുതിയ സംയോജനം ഈ ആപ്പിന്റെ മുഖച്ഛായ തന്നെ മാറ്റിയിരിക്കുന്നു.

ആപ്പുകൾ തുറക്കാതെ തന്നെ വോയ്സ് കമാൻഡുകളിലൂടെ വിവരങ്ങൾ വീണ്ടെടുക്കാൻ ജെമിനിയുടെ സഹായത്തോടെ സാധിക്കും. ഉദാഹരണത്തിന്, ‘Get me my garage item list from the Household note’ എന്ന് ജെമിനിയോട് ചോദിച്ചാൽ ആപ്പ് തുറക്കാതെ തന്നെ വിവരങ്ങൾ ലഭ്യമാകും.

വലിയ യാത്രാവിവരങ്ങളോ ലിസ്റ്റുകളോ ഒക്കെ ഇത്തരത്തിൽ എളുപ്പത്തിൽ കണ്ടെത്താനാകും. കൂടുതൽ സങ്കീർണ്ണമായ മൾട്ടിസ്റ്റെപ് കമാൻഡുകളാണ് ഈ ആപ്പിനെ കൂടുതൽ ഉപകാരപ്രദമാക്കുന്നത്.

‘Find my Day 6 and Day 7 travel details from the Japan travel note and send them to Jack on Messages’ എന്ന് നൽകിക്കൊണ്ട് നോട്ടുകൾ തിരയുന്നതും അവ മറ്റുള്ളവരുമായി പങ്കുവെക്കുന്നതും ഒരേസമയം സാധ്യമാകും. നോട്ടുകൾ കോപ്പി ചെയ്ത് മറ്റ് ആപ്പുകളിൽ പേസ്റ്റ് ചെയ്യേണ്ട

ബുദ്ധിമുട്ട് ഇതിലൂടെ ഒഴിവാകുന്നു. ലളിതമായ രൂപവും ജെമിനിയുടെ മികച്ച പ്രവർത്തനവും ചേരുമ്പോൾ ഗൂഗിൾ കീപ്പ് ആൻഡ്രോയിഡിലെ ഏറ്റവും മികച്ച സേവനമായി മാറുന്നു.