ആഘോഷങ്ങളും വിവാഹങ്ങളും നിറഞ്ഞ ഈ സീസണിൽ സ്വർണ്ണവും വെള്ളിയും വാങ്ങാൻ ആഗ്രഹിക്കുന്ന പൊതുജനങ്ങൾക്കും ഉപഭോക്താക്കൾക്കും ആശ്വാസകരമായ വാർത്ത. കഴിഞ്ഞ കുറച്ചു ദിവസങ്ങളായി തുടർച്ചയായി ഉയർന്നുകൊണ്ടിരുന്ന വിലയിൽ നിലവിൽ ഗണ്യമായ കുറവാണ് രേഖപ്പെടുത്തിയിരിക്കുന്നത്.
വിപണിയിലെ പുതിയ മാറ്റങ്ങളുടെ ഭാഗമായി, എംസിഎക്സ് (MCX) വിപണിയിൽ 10 ഗ്രാം സ്വർണ്ണത്തിന്റെ വില 0.43 ശതമാനം ഇടിഞ്ഞ് 1,41,979 രൂപയിലെത്തി. ഇന്ന് കേരളത്തിൽ സ്വ‍ർണം ഗ്രാമിന് 13,040 രൂപയിലും പവന് 1,04,320 രൂപയിലുമാണ് വ്യാപാരം നടക്കുകയെന്ന് കേരളാ ഗോൾഡ് ആന്റ് സിൽവ‍‌ർ മെ‍‌ർച്ചന്റ്സ് അസോസിയേഷൻ ഔദ്യോഗികമായി അറിയിച്ചു.
കൂടാതെ, വെള്ളി വിലയിലും ഇന്ന് സമാനമായ രീതിയിൽ കാര്യമായ ഇടിവ് സംഭവിച്ചിട്ടുണ്ട്. വിലയിടിവിനുള്ള പ്രധാന കാരണങ്ങൾ അസംസ്‌കൃത എണ്ണവിലയിലുണ്ടായ വർദ്ധനവും, ശക്തമായ യുഎസ് പണപ്പെരുപ്പ കണക്കുകളും കാരണം യുഎസ് ഫെഡറൽ റിസർവ് വീണ്ടും പലിശനിരക്ക് ഉയർത്തിയേക്കുമെന്ന സൂചനകളാണ് വിലക്കുറവിന് കാരണമായത്.
പണപ്പെരുപ്പം ഫലപ്രദമായി നിയന്ത്രിക്കുന്നതിനായി യുഎസ് കേന്ദ്രബാങ്ക് പലിശനിരക്ക് ഉയർന്ന നിലയിൽ തന്നെ തുടർന്നേക്കുമെന്നാണ് വിലയിരുത്തപ്പെടുന്നത്. പലിശനിരക്കുകൾ ഉയർന്ന തോതിൽ തുടരുമ്പോൾ, നിശ്ചിത പലിശ വരുമാനം നൽകാത്ത സ്വർണ്ണത്തേക്കാൾ കൂടുതൽ വരുമാനം ലഭിക്കുന്ന മറ്റ് ആസ്തികളിലേക്ക് നിക്ഷേപകർ ശ്രദ്ധ തിരിക്കുന്നതും സ്വർണ്ണവിലയെ പ്രതികൂലമായി ബാധിക്കുന്നുണ്ട്.
ഇതിനുപുറമേ, പശ്ചിമേഷ്യയിലെ നിലനിൽക്കുന്ന ഭൗമരാഷ്ട്രീയ സംഘർഷങ്ങളും ക്രൂഡ് ഓയിൽ വിലക്കയറ്റത്തിന് കാരണമായിട്ടുണ്ട്. അതേസമയം, വരും ദിവസങ്ങളിലും സ്വർണ്ണത്തിന്റെയും വെള്ളിയുടെയും വിപണി വിലയിൽ ഇനിയും കുറവുകൾ ഉണ്ടാകാൻ സാധ്യതയുണ്ടെന്നാണ് സാമ്പത്തിക വിദഗ്ദ്ധരുടെ വിലയിരുത്തൽ.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
