സാംസങ്ങിന്റെ എഐ സജ്ജീകരിച്ച പുതിയ സ്ലീപ് അപ്നിയ കണ്ടെത്തൽ ഫീച്ചർ പ്രഖ്യാപിച്ചു

ഉറക്കത്തിലെ ശ്വാസതടസ്സം തിരിച്ചറിയുന്നതിനായി വികസിപ്പിച്ച പുതിയതും കൂടുതൽ നൂതനവുമായ സാങ്കേതികവിദ്യയുമായി പ്രമുഖ സ്മാർട്ട്‌ഫോൺ നിർമ്മാതാക്കളായ സാംസങ് രംഗത്ത്. നിർമ്മിത ബുദ്ധി (AI) അടിസ്ഥാനമാക്കി പ്രവർത്തിക്കുന്ന ഈ സംവിധാനത്തിന് അടുത്തിടെ ഔദ്യോഗിക അനുമതി ലഭിച്ചിട്ടുണ്ട്.

2026 നവംബർ മുതൽ ഈ പുതിയ ആരോഗ്യ നിരീക്ഷണ സൗകര്യം ഉപയോക്താക്കൾക്കായി ലഭ്യമാക്കിതുടങ്ങും. സാംസങ് ഗാലക്സി വാച്ച് അൾട്രാ 2 (Samsung Galaxy Watch Ultra 2), ഗാലക്സി വാച്ച് 9 (Galaxy Watch 9), ഗാലക്സി റിംഗ് (Galaxy Ring) എന്നിവയിലാണ് ഈ സംവിധാനം ആദ്യമായി ഉൾപ്പെടുത്തുന്നത്.

തുടർന്ന് മറ്റ് പഴയ മോഡലുകളിലേക്കും ഈ ഫീച്ചർ വ്യാപിപ്പിക്കുമെന്ന് കമ്പനി അറിയിച്ചിട്ടുണ്ട്. ഉറക്കത്തിലെ തടസ്സങ്ങളുടെ തീവ്രത കണക്കാക്കാം ദക്ഷിണ കൊറിയയിലെ ഫുഡ് ആൻഡ് ഡ്രഗ് സേഫ്റ്റി മന്ത്രാലയം ഈ പുതിയ ഫീച്ചറിന് അംഗീകാരം നൽകിയതായി ദക്ഷിണ കൊറിയൻ കമ്പനി ഔദ്യോഗിക പത്രക്കുറിപ്പിൽ വ്യക്തമാക്കി.

തുടർന്ന് 2026 ജൂലൈ മാസത്തിൽ അമേരിക്കയിലെ എഫ്‌ഡിഎ (FDA) അനുമതിയും ഇതിന് ലഭിച്ചിരുന്നു. ഉറക്കത്തിലുണ്ടാകുന്ന ശ്വാസതടസ്സങ്ങളെ കൃത്യമായി അപഗ്രഥിച്ച് സ്ലീപ് അപ്നിയയുടെ ലക്ഷണങ്ങൾ കണ്ടെത്താൻ എഐ അൽഗോരിതം ഈ പുതിയ അപ്‌ഗ്രേഡിലൂടെ സാധ്യമാക്കുന്നു.

രാത്രിയിലെ വിവരങ്ങൾ പരിശോധിച്ചുകൊണ്ട് ശ്വാസകോശ സംബന്ധമായ പ്രശ്നങ്ങൾ കണ്ടെത്താനും, ഈ അപര്യാപ്തതയെ നേരിയ തോതിലുള്ളത്, ഇടയ്ക്കിടെയുള്ളത്, സ്ഥിരമായുള്ളത് എന്നിങ്ങനെ മൂന്ന് വിഭാഗങ്ങളായി തരംതിരിക്കാനും പുതിയ ടൂളിന് സാധിക്കും. നിലവിലുള്ള സംവിധാനങ്ങൾ രോഗാവസ്ഥയുടെ തീവ്രത വ്യക്തമാക്കാതെ പൊതുവായ മുന്നറിയിപ്പുകൾ മാത്രമാണ് നൽകുന്നത്.

വിപുലീകരണവും ലഭ്യതയും പുതിയ സാങ്കേതികവിദ്യയുടെ പ്രവർത്തനക്ഷമതയ്ക്കായി ആർട്ടിഫിഷ്യൽ ഇന്റലിജൻസ് ആവശ്യമായതുകൊണ്ട് ഗാലക്സി റിംഗ് ഉൾപ്പെടെയുള്ള പുതിയ തലമുറ ഹാർഡ്‌വെയറുകളിൽ മാത്രമായി ഈ ഫീച്ചർ പരിമിതപ്പെടുത്തിയിരിക്കുകയാണ്. ദക്ഷിണ കൊറിയയിൽ നവംബർ മാസത്തിൽ പുറത്തിറങ്ങുന്ന ഈ അപ്‌ഡേറ്റ്, അനുമതി ലഭിച്ചതിനെ തുടർന്ന് അമേരിക്കയിലും വൈകാതെ ലഭ്യമാകും.

മറ്റ് വിപണികളിൽ 2027 ലെ ആദ്യ പാദത്തോടെ ഇത് എത്തുമെന്നാണ് പ്രതീക്ഷിക്കുന്നത്. ഒൺ യുഐ 9 വാച്ച് (One UI 9 Watch) അപ്‌ഡേറ്റിനൊപ്പമോ അല്ലെങ്കിൽ പ്രത്യേക ഫേംവെയർ ബിൽഡ് വഴിയോ ഈ പുതിയ ഫീച്ചർ ഉപയോക്താക്കളുടെ കൈകളിലെത്തും.

പഴയ മോഡലുകളുടെ സ്ഥിതി ഒറിജിനൽ ഗാലക്സി വാച്ച് അൾട്രാ, ഗാലക്സി വാച്ച് 8 (ക്ലാസിക്), വെയർ ഒഎസ് 7 അല്ലെങ്കിൽ അതിനു ശേഷമുള്ള പതിപ്പുകളിൽ പ്രവർത്തിക്കുന്ന ഗാലക്സി വാച്ച് 7 തുടങ്ങിയ മറ്റ് മോഡലുകളിലേക്കും ഈ ഫീച്ചർ പിന്നീട് എത്തും. എന്നാൽ പഴയ എക്സൈനസ് ചിപ്‌സെറ്റിൽ പ്രവർത്തിക്കുന്ന ഗാലക്സി വാച്ച് എഫ്‌ഇ (Galaxy Watch FE) മോഡലിൽ ഈ പുതിയ ടൂൾ ലഭ്യമാകുമോ എന്ന കാര്യം വ്യക്തമല്ല.

ഗാലക്സി വാച്ച് 4 മുതലാണ് സാംസങ് സ്ലീപ് അപ്നിയ കണ്ടെത്തൽ ഫീച്ചർ അവതരിപ്പിച്ചത് എങ്കിലും, ഗാലക്സി വാച്ച് 5, വാച്ച് 6 എന്നീ മോഡലുകളിൽ ഈ നൂതന ടൂൾ ലഭിക്കില്ലെന്ന് കമ്പനി സ്ഥിരീകരിച്ചിട്ടുണ്ട്.