ദേശീയ ഗീതമായ വന്ദേമാതരം മുഴുവനായി ആലപിക്കണമെന്ന നിര്‍ദ്ദേശത്തിനെതിരെയുള്ള ഹര്‍ജികളില്‍ സുപ്രീം കോടതി കേന്ദ്ര സര്‍ക്കാരിന്റെ മറുപടി തേടി. വിഷയവുമായി ബന്ധപ്പെട്ട് സമര്‍പ്പിക്കപ്പെട്ട
രണ്ട് പ്രധാന ഹര്‍ജികളിലാണ് കോടതി നോട്ടീസ് അയച്ചിരിക്കുന്നത്. കേരളത്തില്‍ നിന്നുള്ള മുന്‍ ഐ.എ.എസ് ഉദ്യോഗസ്ഥന്‍ ബാലകൃഷ്ണന്‍ സത്യഭാമ നല്‍കിയ ഹര്‍ജി ഇതില്‍ ഉള്‍പ്പെടുന്നുണ്ട്.
വന്ദേ മാതരത്തിന്റെ ആറ് ചരണങ്ങളും ഔദ്യോഗിക ചടങ്ങുകളിലും വിദ്യാലയങ്ങളിലും പൂര്‍ണ്ണമായി പാടണമെന്ന ഉത്തരവുകളെ ചോദ്യം ചെയ്തുകൊണ്ടാണ് ഹര്‍ജികള്‍ കോടതിയിലെത്തിയത്. ബാലകൃഷ്ണന്‍ സത്യഭാമ കൂടാതെ ബി.എസ്.
മാവോജി സമര്‍പ്പിച്ച ഹര്‍ജിയിലും നോട്ടീസ് അയക്കപ്പെട്ടിട്ടുണ്ട്. ഈ ഹര്‍ജികളെല്ലാം ഒന്നിച്ചു ചേര്‍ത്ത് പരിഗണിക്കാനാണ് ജുഡീഷ്യല്‍ തീരുമാനം.
വന്നതുപ്രകാരം, ഈ കേസ് വരുന്ന നവംബര്‍ 30ന് കോടതി വീണ്ടും പരിഗണിക്കും. ഔദ്യോഗിക പരിപാടികളിലും സ്‌കൂളുകളിലും വന്ദേമാതരം കര്‍ശനമാക്കിക്കൊണ്ട് കേന്ദ്ര ആഭ്യന്തര മന്ത്രാലയം ജനുവരി, ജൂലായ് മാസങ്ങളില്‍ പുറപ്പെടുവിച്ച ഉത്തരവുകള്‍ റദ്ദാക്കണമെന്നാണ് ഹര്‍ജിക്കാരുടെ പ്രധാന ആവശ്യം.
പരമ്പരാഗതമായി ആദ്യ രണ്ട് ചരണങ്ങള്‍ മാത്രം പാടുന്ന രീതി നിലനിര്‍ത്തണമെന്നും, ഗാനം ആലപിക്കാത്തവര്‍ക്കെതിരെ കര്‍ശന നടപടി സ്വീകരിക്കുമെന്ന വ്യവസ്ഥ ഒഴിവാക്കണമെന്നും ഹര്‍ജിയില്‍ ആവശ്യപ്പെടുന്നുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
