മംഗലംഡാം ജലനിരപ്പ് ഉയരുന്നു; ആറ് ഷട്ടറുകളും തുറന്നു

മംഗലംഡാം മേഖലയിൽ ജലനിരപ്പ് ഉയർന്നതിനെ തുടർന്ന് അണക്കെട്ടിന്റെ ഷട്ടറുകൾ തുറന്നു. ശനിയാഴ്ച രാവിലെ 8 മണിയോടെയാണ് ഡാമിന്റെ ആറ് ഷട്ടറുകളും തുറന്നത്.

77.88 മീറ്റർ സംഭരണശേഷിയുള്ള അണക്കെട്ടിൽ ജലനിരപ്പ് 77.41 മീറ്റർ എത്തിയതിനെ തുടർന്നാണ് നടപടി. ഇതിന്റെ ഭാഗമായി ഡാമിന്റെ 6 സ്പിൽവേ ഷട്ടറുകളും 3 സെന്റിമീറ്റർ വീതം ഉയർത്തി വെള്ളം പുഴയിലേക്ക് ഒഴുക്കിവിടുകയായിരുന്നു.

ഡാമിലേക്ക് ഒഴുകിയെത്തുന്ന വെള്ളത്തിന്റെ അളവ് വിലയിരുത്തി ജലം തുറന്നു വിടുന്നതിൽ ആവശ്യമായ ക്രമീകരണങ്ങൾ വരുത്തുമെന്ന് അധികൃതർ അറിയിച്ചു. പുഴയുടെ തീരപ്രദേശങ്ങളിൽ താമസിക്കുന്നവർ ജാഗ്രത പാലിക്കണമെന്നും മുന്നറിയിപ്പ് നൽകിയിട്ടുണ്ട്.