വനിതാ പ്രീമിയർ ലീഗ് (ഡബ്ല്യു.പി.എൽ) സീസണിന് മുന്നോടിയായുള്ള താരങ്ങളുടെ ലേലം ഒക്ടോബർ 28-ന് കൊച്ചിയിൽ വെച്ച് നടക്കുമെന്ന് അധികൃതർ അറിയിച്ചു. വൈകുന്നേരം അഞ്ചരയ്ക്കാണ് ലേലനടപടികൾക്ക് തുടക്കമാവുക.
ആകെയുള്ള അഞ്ച് ഫ്രാഞ്ചൈസികളിലായി ഒഴിവുള്ള 27 സ്ഥാനങ്ങളിലേക്ക് 146 താരങ്ങളാണ് ഇത്തവണ ലേലത്തിൽ മാറ്റുരയ്ക്കുന്നത്. ഇതിൽ 119 ഇന്ത്യൻ താരങ്ങളും, അസോസിയേറ്റ് രാജ്യങ്ങളിൽ നിന്നുള്ള 6 പേരുൾപ്പെടെ 27 വിദേശ താരങ്ങളും ഉൾപ്പെടുന്നു.
ടീമുകളില്‍ ഒഴിവുള്ള 27 സ്ഥാനങ്ങളില്‍ 20 എണ്ണം ഇന്ത്യൻ താരങ്ങൾക്കും 7 എണ്ണം വിദേശ താരങ്ങൾക്കുമായാണ് സംവരണം ചെയ്തിട്ടുള്ളത്. പ്രമുഖ താരങ്ങളുടെ അടിസ്ഥാന വില വിവരങ്ങളും പുറത്തുവന്നിട്ടുണ്ട്.
ഇംഗ്ലണ്ട് താരം സോഫിയ ഡങ്ക്‌ലി, ഓസ്‌ട്രേലിയൻ ഓൾറൗണ്ടർ സോഫി മോളിനക്സ് എന്നിവരാണ് ഏറ്റവും ഉയർന്ന അടിസ്ഥാന വിലയായ 50 ലക്ഷം രൂപ വിഭാഗത്തിൽ ഉൾപ്പെട്ടിട്ടുള്ള പ്രമുഖർ. ഇന്ത്യൻ വിക്കറ്റ് കീപ്പർ ജി കമാലിനി, കിരൺ നവ്ഗിരെ, ഹെതർ ഗ്രഹാം, ജെസ് ജോനാസൻ എന്നിവർ 40 ലക്ഷം രൂപ അടിസ്ഥാന വിലയിട്ടപ്പോൾ, 30 താരങ്ങൾ 30 ലക്ഷം രൂപ അടിസ്ഥാന വിലയിലാണ് ലേലത്തിനെത്തുന്നത്.
കഴിഞ്ഞ തവണത്തേതുപോലെ യുപി വാരിയേഴ്സാണ് ഏറ്റവും കൂടുതൽ തുക കൈവശമുള്ള ഫ്രാഞ്ചൈസി (3.65 കോടി രൂപ). മുംബൈ ഇന്ത്യൻസും യുപി വാര്യേഴ്സുമാണ് ഏറ്റവും കൂടുതൽ ഒഴിവുകളുള്ള ടീമുകൾ.
ഗുജറാത്ത് ജയന്‍റ്സിനാണ് ഏറ്റവും കുറവ് ഒഴിവുകളുള്ളത് (3 ഒഴിവുകൾ). ആകെ 63 താരങ്ങളെ നിലവിലെ ടീമുകൾ നിലനിർത്തിയപ്പോൾ, വനിതാ ഐപിഎല്‍ അഞ്ചാം സീസൺ 2027 ജനുവരി 14 മുതൽ ഫെബ്രുവരി 7 വരെ നടത്താനാണ് നിശ്ചയിച്ചിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
