അനുയോജ്യമായ പിക്സൽ ഡിവൈസുകൾക്കായി Android 17 QPR 2 Beta 7.1 ഔദ്യോഗികമായി പുറത്തിറക്കിയതായി Google പ്രഖ്യാപിച്ചു. ബീറ്റ പതിപ്പുകൾ ഉപയോഗിക്കുകയും വിവിധ പ്രകടന പ്രശ്നങ്ങൾ നേരിടുകയും ചെയ്തിരുന്ന ഉപയോക്താക്കൾക്ക് ഏറെ ആശ്വാസകരമാകുന്നതാണ് പുതിയ അപ്ഡേറ്റ്.
ഈ പുതിയ പതിപ്പിൽ ഒരു പ്രധാന പരിഹാരം മാത്രമാണ് ഉൾപ്പെടുത്തിയിരിക്കുന്നത് എങ്കിലും, നിലവിലുള്ള സാങ്കേതിക തടസ്സങ്ങൾക്ക് ഇത് പരിഹാരമാകുമെന്നാണ് കരുതുന്നത്. പുതിയ അപ്ഡേറ്റുകളെക്കുറിച്ചുള്ള കൂടുതൽ വ്യക്തതയ്ക്കായി ഗൂഗിളിന്റെ കമ്മ്യൂണിറ്റി എൻഗേജ്മെന്റ് മാനേജറായ Mishaal Rahman നൽകിയ വിവരങ്ങളെയാണ് ആശ്രയിക്കേണ്ടി വരുന്നത്.
ഹെവി പേജ്-റീക്ലെയിം ത്രഷിംഗും പ്രധാന പേജ് തകരാറുകളും കാരണം മെമ്മറി പ്രഷർ ഉണ്ടാകുമ്പോഴുള്ള ഗുരുതരമായ യു.ഐ സ്റ്റട്ടറിംഗും മൾട്ടി-സെക്കൻഡ് ഫ്രീസുകളും പുതിയ ബീറ്റ അപ്ഡേറ്റ് പരിഹരിക്കുന്നതായി അദ്ദേഹം തന്റെ എക്സ് (X) അക്കൗണ്ടിലൂടെ വ്യക്തമാക്കിയിട്ടുണ്ട്. പുതിയ ഫോണുകളെ അപേക്ഷിച്ച് Pixel 6a, Pixel 7 തുടങ്ങിയ ഡിവൈസുകളിലാണ് ഇത്തരം പ്രകടന പ്രശ്നങ്ങൾ കൂടുതലായി അനുഭവപ്പെടാറുള്ളത്.
2022-ൽ പുറത്തിറങ്ങിയ പിക്സൽ 6എ ഫോണിൽ മികച്ച പ്രൊസസർ അല്ലായിരുന്നതിനാൽ ബീറ്റ പതിപ്പുകളിൽ ഇത്തരം ബുദ്ധിമുട്ടുകൾ സ്വാഭാവികമാണ്. ഗൂഗിൾ ഔദ്യോഗികമായി ഈ പ്രശ്നം പരിഹരിക്കുന്നതുവരെ ഉപയോക്താക്കൾക്ക് ഈ പ്രതിസന്ധികൾ നേരിടേണ്ടി വരുന്നു.
അതേസമയം, Android 17 QPR3 Beta 1 കഴിഞ്ഞ ഒക്ടോബർ 2, 2026-ൽ പുറത്തിറങ്ങിയിരുന്നെങ്കിലും, ഇതിന്റെ അടുത്ത പതിപ്പായ ക്യു.പി.ആർ3 ബീറ്റ 2 ഇതുവരെ പുറത്തിറക്കാത്തതിൽ ചില ഉപയോക്താക്കൾക്കിടയിൽ അതൃപ്തി നിലനിൽക്കുന്നുണ്ട്. ഈ പുതിയ ബീറ്റ അപ്ഡേറ്റ് പരീക്ഷിക്കുവാൻ താൽപ്പര്യമുള്ളവർക്ക് പിക്സൽ 6എ, പിക്സൽ 7 സീരീസ് എന്നിവയ്ക്കായി ലഭ്യമാക്കിയിട്ടുള്ള Android Beta Program-ൽ രജിസ്റ്റർ ചെയ്യാവുന്നതാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
