തിരുവനന്തപുരം: സംസ്ഥാനത്ത് വീണ്ടും വൈദ്യുതി പ്രതിസന്ധി രൂക്ഷമാകുന്നു. മധ്യപ്രദേശില് നിന്നുള്ള 200 മെഗാ വാട്ട് ലഭിക്കാത്തതിനെ തുടര്ന്ന് ഇന്നലെ സംസ്ഥാനത്ത് വൈദ്യുതി നിയന്ത്രണം ഉണ്ടായി.
കഴിഞ്ഞദിവസം പീക് അവറില് 800 മെഗാ വാട്ട് വൈദ്യുതിയുടെ കുറവുണ്ടായി. രാത്രി 9 മണിക്ക് ശേഷവും വൈദ്യുതി ലഭ്യമായില്ല.
മാറ്റകരാര് അടിസ്ഥാനത്തിലുള്ള വൈദ്യുതി ലഭിച്ചില്ലെങ്കില് ഇന്നും സംസ്ഥാനത്ത് വൈദ്യുതി നിയന്ത്രണം ഉണ്ടായേക്കും. 300 മെഗാവാട്ട് കടംകൊടുക്കല് അവസാനിച്ച സാഹചര്യത്തില് വൈദ്യുതി പ്രതിസന്ധി നീങ്ങുമെന്നായിരുന്നു മുമ്പ് വിലയിരുത്തപ്പെട്ടിരുന്നത്.
എന്നാല് ഇപ്പോഴും പ്രതിസന്ധി തുടരുന്നുവെന്നാണ് കഴിഞ്ഞ ദിവസത്തെ വൈദ്യുതി നിയന്ത്രണവും വ്യക്തമാക്കുന്നത്. ഇന്നലെ പലയിടത്തും ഒന്നിലേറെ തവണ രാത്രിയില് പവര് കട്ടുണ്ടായി.
അന്തരീക്ഷ താപനില ഉയരുന്നതും മഴ ലഭിക്കാത്തതും വൈദ്യുതി ഉപഭോഗം ഉയര്ന്നുതന്നെ നില്ക്കുന്നതിന് കാരണമായിട്ടുണ്ട്. സംസ്ഥാനത്ത് ആഭ്യന്തരമായി ഉത്പാദിപ്പിക്കുന്ന വൈദ്യുതിയിലും വലിയ കുറവാണ് രേഖപ്പെടുത്തിയിട്ടുള്ളത്.
ഉത്തരേന്ത്യന് സംസ്ഥാനങ്ങളില് ഉന്നത ഉദ്യോഗസ്ഥര് നേരിട്ടെത്തി ചര്ച്ചകള് നടത്തിയിട്ടും പ്രതിസന്ധിക്ക് പരിഹാരം കാണാന് സാധിക്കാത്ത സാഹചര്യമാണ് നിലവിലുള്ളത്. ജനങ്ങള് വൈദ്യുതി പ്രതിസന്ധിയില് വലയുമ്പോള് സര്ക്കാര് നിഷ്ക്രിയമാകുന്നു എന്ന വിമര്ശനമാണ് പ്രതിപക്ഷ പാര്ട്ടികള് ഉന്നയിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
