നേപ്പാളിലുണ്ടായ മിന്നൽ പ്രളയത്തിന്റെ പശ്ചാത്തലത്തിൽ, അവിടെ കുടുങ്ങിക്കിടക്കുന്ന കേരളീയർക്ക് അടിയന്തര സഹായവും വിവരങ്ങളും ലഭ്യമാക്കുന്നതിന്റെ ഭാഗമായി പ്രത്യേക ഹെൽപ്പ് ഡെസ്ക് പ്രവർത്തനമാരംഭിച്ചു. മുഖ്യമന്ത്രിയുടെ ഓഫീസിന്റെ കർശന നിർദേശാനുസരമാണ് ഈ സൗകര്യം ഏർപ്പെടുത്തിയിരിക്കുന്നതെന്ന് നോർക്ക റൂട്ട്സ് ചീഫ് എക്സിക്യൂട്ടീവ് ഓഫീസർ രാജേഷ് മാധവൻ ഔദ്യോഗികമായി അറിയിച്ചു.
ദുരന്തബാധിത പ്രദേശങ്ങളിലുള്ളവർക്കും അവരുടെ ബന്ധുക്കൾക്കും ഈ സേവനം പൂർണ്ണമായും പ്രയോജനപ്പെടുത്താവുന്നതാണ്. ഇതിനായി നോർക്ക ഗ്ലോബൽ കോണ്ടാക്ട് സെന്ററിന്റെ ടോൾ ഫ്രീ നമ്പറായ 18004253939 എന്ന നമ്പറിലോ, വിദേശത്തു നിന്നും ബന്ധപ്പെടുന്നവർക്കായി +91-8802012345 (മിസ്ഡ് കോൾ സൗകര്യം) എന്ന നമ്പറിലോ ബന്ധപ്പെടാവുന്നതാണെന്ന് അധികൃതർ വ്യക്തമാക്കി.
കൂടാതെ, അടിയന്തര രക്ഷാപ്രവർത്തനങ്ങളുടെയും ദുരിതാശ്വാസ പ്രവർത്തനങ്ങളുടെയും ഏകോപനത്തിനായി ദില്ലി എൻ.ആർ.കെ ഡെവലപ്മെന്റ് ഓഫീസറേയും പ്രത്യേകമായി ചുമതലപ്പെടുത്തിയിട്ടുണ്ട്. നേപ്പാളിലെ ഇന്ത്യൻ എംബസിയുമായി ചേർന്ന് ആവശ്യമായ എല്ലാവിധ പിന്തുണയും ഉറപ്പാക്കാനുള്ള നടപടികൾ പുരോഗമിക്കുകയാണെന്നും അധികൃതർ അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
