എഫ്‌സിആർഎ ബിൽ കൊണ്ടുവരാൻ വെല്ലുവിളിച്ച് കെ.സി. വേണുഗോപാൽ; അമിത് ഷാ സഭയിൽ പ്രസ്താവന നടത്തണമെന്ന് ആവശ്യം

കേന്ദ്രമന്ത്രി കിരൺ റിജിജുവിനെതിരെ കടുത്ത വിമർശനവുമായി കോൺഗ്രസ് നേതാവ് കെ.സി. വേണുഗോപാൽ രംഗത്ത്.

ദിവസങ്ങളോളം മൗനം പാലിച്ച ശേഷം അവസാന മണിക്കൂറിലാണ് കിരൺ റിജിജു വിഷയത്തിൽ പ്രതികരിച്ചതെന്ന് അദ്ദേഹം കുറ്റപ്പെടുത്തി. രാജ്യത്ത് പുതിയ എഫ്‌സിആർഎ ബിൽ കൊണ്ടുവരാൻ അദ്ദേഹം വെല്ലുവിളി ഉയർത്തി.

ഇന്ത്യയിലെ സന്നദ്ധ സംഘടനകളുടെ പ്രവർത്തനങ്ങളെ ലക്ഷ്യം വെച്ചുള്ള ഇത്തരം ബില്ലുകൾ കൊണ്ടുവരാനോ പാർലമെന്റിൽ അവതരിപ്പിക്കാനോ സഖ്യം ഒരു കാരണവശാലും സമ്മതിക്കില്ലെന്ന് കെ.സി. വേണുഗോപാൽ വ്യക്തമാക്കി.

പ്രതിപക്ഷത്തിന്റെ ആവശ്യമല്ല കേന്ദ്രസർക്കാർ അംഗീകരിച്ചിട്ടുള്ളത്. വിഷയത്തിൽ ചർച്ച വലിച്ചുനീട്ടി മറുപടി പറയുകയല്ല വേണ്ടതെന്നും, കേന്ദ്ര ആഭ്യന്തര മന്ത്രി അമിത് ഷാ നേരിട്ട് സഭയിൽ എത്തി ഔദ്യോഗിക പ്രസ്താവന നടത്തണമെന്നും അദ്ദേഹം ആവശ്യപ്പെട്ടു.

അയോധ്യ സംഭാവന കൊള്ളയെക്കുറിച്ച് സർക്കാർ മറുപടി നൽകാൻ ബാധ്യസ്ഥരാണ്. രാജ്യത്തെ ഓരോ വീടും കൊള്ളയടിക്കുന്നതിന് തുല്യമാണ് ഈ സംഭവമെന്നും കെ.സി.

വേണുഗോപാൽ ചൂണ്ടിക്കാണിച്ചു. എന്നാൽ പ്രതിപക്ഷത്തിന്റെ ഈ പ്രധാനപ്പെട്ട

ആവശ്യത്തോട് ഇതുവരെയും കേന്ദ്രസർക്കാർ അനുകൂലമായി പ്രതികരിച്ചിട്ടില്ലെന്നും അദ്ദേഹം കൂട്ടിച്ചേർത്തു.