ആലപ്പുഴ ജില്ലയിൽ ഇടതുമുന്നണി ഘടകകക്ഷിയായ ജനാധിപത്യ കേരള കോൺഗ്രസ് ജില്ലാ ജനറൽ സെക്രട്ടറിയെ മന്ത്രി മോൻസ് ജോസഫിന്റെ അസിസ്റ്റന്റ് പ്രൈവറ്റ് സെക്രട്ടറിയായി നിയമിച്ചതിൽ പാർട്ടിയിൽ ഭിന്നത. ഷിബു ജോസഫ് മണലയെ ഈ പദവിയിലേക്ക് നിയോഗിച്ചതിനെതിരെയാണ് കടുത്ത എതിർപ്പ് ഉയർന്നിരിക്കുന്നത്.
പാർട്ടിയുടെ ഓഫീസ് ചുമതലകൾ നിർവഹിക്കുന്ന വ്യക്തി കൂടിയായ ഷിബു ജോസഫ് മണല, ഇടതുമുന്നണിയുടെ കുട്ടനാട് നിയമസഭാ മണ്ഡലം ഏകോപനസമിതി അംഗം കൂടിയാണ്. എന്നാൽ പേഴ്സണൽ സ്റ്റാഫ് നിയമനങ്ങൾ ഉൾപ്പെടെയുള്ള കാര്യങ്ങൾ പാർട്ടി ഘടകങ്ങളിൽ കൃത്യമായി ചർച്ച ചെയ്ത ശേഷം മാത്രമേ നടപ്പാക്കാവൂ എന്ന് ചരൽക്കുന്നിൽ നടന്ന കേരള കോൺഗ്രസ് സംസ്ഥാന നേതൃ ക്യാമ്പിൽ ശക്തമായ നിർദ്ദേശം ഉയർന്നിരുന്നു.
ഈ സംഘടനാ മാർഗനിർദ്ദേശം പൂർണ്ണമായും ലംഘിച്ചാണ് പുതിയ നിയമനം നടത്തിയിട്ടുള്ളതെന്നാണ് പ്രധാന ആക്ഷേപം. അതേസമയം, വിവാദമായ ഈ നിയമനത്തിൽ വിശദീകരണവുമായി മന്ത്രി രംഗത്തെത്തി.
വിവിധ ജില്ലകളിൽ നിന്നായി ജനാധിപത്യ കേരള കോൺഗ്രസിലേക്ക് നിരവധി പ്രവർത്തകർ കടന്നുവരുന്നുണ്ടെന്നും, ഇത്തരത്തിൽ പാർട്ടിയിലേക്ക് എത്തുന്നവർക്കാണ് അർഹമായ സ്ഥാനമാനങ്ങൾ നൽകിവരുന്നതെന്നും മന്ത്രി വ്യക്തമാക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
