കേന്ദ്ര വിദ്യാഭ്യാസ മന്ത്രിയായി പ്രഹ്ലാദ് ജോഷിയെ തിരഞ്ഞെടുത്ത നടപടിക്കെതിരെ ലോക്സഭ പ്രതിപക്ഷ നേതാവ് രാഹുൽ ഗാന്ധി രംഗത്ത്. ബലാത്സംഗക്കേസുകളിലെ പ്രതികളെ ന്യായീകരിക്കുന്ന വ്യക്തിയിലാണ് ഭാരതീയ ജനതാ പാർട്ടി വിശ്വാസമർപ്പിച്ചിരിക്കുന്നതെന്ന് അദ്ദേഹം കുറ്റപ്പെടുത്തി.
കുപ്രസിദ്ധമായ ബിൽക്കിസ് ബാനോ കേസിലെ പ്രതികൾക്ക് ജാമ്യം അനുവദിച്ചതിനെ പ്രഹ്ലാദ് ജോഷി മുൻപ് സാധൂകരിച്ച സംഭവം ചൂണ്ടിക്കാണിച്ചാണ് രാഹുലിന്റെ വിമർശനം. കഴിഞ്ഞ 2002 ലെ ഗുജറാത്ത് കലാപവേളയിൽ ബിൽക്കിസ് ബാനോയെ ക്രൂരമായി ബലാത്സംഗം ചെയ്യുകയും കുടുംബാംഗങ്ങളെ കൂട്ടക്കൊലപ്പെടുത്തുകയും ചെയ്ത കേസിലെ 11 പ്രതികൾക്ക് 2018 ൽ ജാമ്യം ലഭിച്ച സമയത്ത് കേന്ദ്ര പാർലമെന്ററി കാര്യ മന്ത്രിയായിരുന്നു പ്രഹ്ലാദ് ജോഷി.
പ്രതികൾ ഏറെക്കാലം ജയിലിൽ കഴിഞ്ഞിട്ടുണ്ടെന്നും അവരെ മോചിപ്പിക്കാൻ വ്യവസ്ഥയുണ്ടെന്നുമായിരുന്നു അന്ന് അദ്ദേഹം പ്രതികരിച്ചത്. സർക്കാരും ബന്ധപ്പെട്ടവരും നിയമപരമായ നടപടികളുടെ അടിസ്ഥാനത്തിൽ തീരുമാനമെടുക്കുമ്പോൾ അതിൽ തെറ്റുകാണാനാവില്ലെന്നായിരുന്നു പ്രഹ്ലാദ് ജോഷിയുടെ നിലപാട്.
ഈ പരാമർശം അക്കാലത്ത് വലിയ രാഷ്ട്രീയ വിവാദങ്ങൾക്കും പ്രതിഷേധങ്ങൾക്കും വഴിവെച്ചിരുന്നു. ഇത്തരം നിലപാടുകൾ സ്വീകരിച്ച ഒരാളെ രാജ്യത്തിന്റെ വിദ്യാഭ്യാസ മന്ത്രിയാക്കിയത് അങ്ങേയറ്റം വിചിത്രമാണെന്ന് പാർലമെന്റിനു പുറത്ത് മാധ്യമങ്ങളോട് സംസാരിക്കവെ രാഹുൽ ഗാന്ധി വ്യക്തമാക്കി.
രാജ്യത്തെ വിദ്യാഭ്യാസ സംവിധാനത്തിനും വിദ്യാർത്ഥിനികൾക്കും എതിരെയുള്ള വെല്ലുവിളിയാണിതെന്നും അദ്ദേഹം വിശേഷിപ്പിച്ചു. “There can be no filthier type of man than one who defends rapists.
Pralhad Joshi is an insult to our education system and an insult to every student in it. Crores of young women study in the institutions he now oversees.
India’s women will never accept PM Modi’s new Education…” എന്ന് രാഹുൽ ഗാന്ധി എക്സിൽ കുറിക്കുകയും ചെയ്തു. രാജ്യത്തിന്റെ പ്രധാനമന്ത്രിയുടെ മന്ത്രിസഭയിൽ നിരവധി നേതാക്കൾ ലഭ്യമായിരിക്കെ പ്രഹ്ലാദ് ജോഷിയെത്തന്നെ ഈ പദവിയിലേക്ക് തിരഞ്ഞെടുത്തത് അദ്ഭുതപ്പെടുത്തുന്നതാണെന്നും അദ്ദേഹം കൂട്ടിച്ചേർത്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
