പെരുമ്പാവൂർ കെഎസ്ആർടിസി റോഡിൽ പ്രവർത്തിക്കുന്ന കൊച്ചിൻ ചിപ്സ് എന്ന സ്ഥാപനത്തിൽ യുവാക്കൾ പണം തട്ടിയതായി പരാതി. തിങ്കളാഴ്ച വൈകുന്നേരം 5.50-ഓടെയാണ് കേസിനാസ്പദമായ സംഭവം നടന്നത്.
കടയിലെത്തിയ രണ്ട് യുവാക്കൾ 170 രൂപയുടെ ചിപ്സ് വാങ്ങിയ ശേഷം ജീവനക്കാരനെ സമീപിച്ചു. തങ്ങൾ നൽകുന്ന 500 രൂപയ്ക്ക് പകരമായി ഗൂഗിൾ പേ വഴി 670 രൂപ തിരികെ നൽകാമെന്ന് ഇവർ ജീവനക്കാരനെ വിശ്വസിപ്പിച്ചു.
ഈ വാഗ്ദാനത്തിൽ വീണ ജീവനക്കാരൻ 500 രൂപ കൈമാറിയ ഉടൻ തന്നെ, വാങ്ങിയ ചിപ്സുമായി യുവാക്കൾ ബൈക്കിൽ കയറി വേഗത്തിൽ കടന്നുകളയുകയായിരുന്നു. സംഭവത്തിൽ പരാതി ലഭിച്ചതിനെ തുടർന്ന് പോലീസ് അന്വേഷണം ആരംഭിച്ചു.
കടയിലുണ്ടായിരുന്ന സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്. ഇതിന്റെ അടിസ്ഥാനത്തിൽ പ്രതികളെ കണ്ടെത്താനുള്ള ശ്രമങ്ങൾ പുരോഗമിക്കുകയാണെന്ന് അധികൃതർ അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
