ഓണക്കാലത്തോടനുബന്ധിച്ച് വിപണിയിൽ ഇടപെടലുകൾ ശക്തമാക്കുന്നതിന്റെ ഭാഗമായി സപ്ലൈകോയ്ക്ക് സംസ്ഥാന സർക്കാർ അടിയന്തര സാമ്പത്തിക സഹായം അനുവദിച്ചു. വിപണി വിലക്കയറ്റം നിയന്ത്രിക്കുന്നതിനായി ആകെ 253 കോടി രൂപയാണ് സർക്കാർ അനുവദിച്ചിരിക്കുന്നത്.
ഭക്ഷ്യ- സിവില് സപ്ലൈസ് വകുപ്പ് മന്ത്രി അനൂപ് ജേക്കബിന്റെ അഭ്യർത്ഥനയെത്തുടർന്നാണ് ഈ നടപടി. ഓണവിപണി സജീവമാക്കുന്നതിനായി 200 കോടി രൂപയും, എഎവൈ (മഞ്ഞ കാർഡ്) വിഭാഗത്തിൽപ്പെട്ടവർക്കുള്ള ഓണക്കിറ്റ് വിതരണത്തിനായി 53 കോടി രൂപയുമാണ് വകയിരുത്തിയത്.
സപ്ലൈകോ നേരിടുന്ന സാമ്പത്തിക പ്രതിസന്ധികൾക്കിടയിലും, വിപണിയിലെ വിലക്കയറ്റം തടയാനും പൊതുജനങ്ങൾക്ക് കുറഞ്ഞ നിരക്കിൽ സാധനങ്ങൾ ലഭ്യമാക്കാനും സർക്കാർ പ്രതിജ്ഞാബദ്ധമാണെന്ന് അധികൃതർ വ്യക്തമാക്കി. അനുവദിച്ച തുക ഉപയോഗിച്ച് വിപണി ഇടപെടലുകൾ കൂടുതൽ കാര്യക്ഷമമാക്കുമെന്നും സർക്കാർ അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
