വയനാട് ജില്ലയിലെ മേപ്പാടി കള്ളാടിയിലുണ്ടായ മണ്ണിടിച്ചിലിൽ മരിച്ചവരുടെ എണ്ണം ഏഴായി ഉയർന്നു. പുഴയിൽ നടത്തിയ തെരച്ചിലിനൊടുവിൽ ഒരാളുടെ മൃതദേഹം കൂടി കണ്ടെടുത്തു.
ദുരന്തത്തിൽപ്പെട്ട ഒരാളെ കൂടി ഇനി കണ്ടെത്താനുണ്ട്.
അപകടമുണ്ടായ സ്ഥലത്ത് ഇന്ന് നാലാം ദിവസവും തെരച്ചിൽ നടപടികൾ തുടരുകയാണ്. ഇന്നലെ നടന്ന തെരച്ചിലിൽ മൂന്ന് മൃതദേഹങ്ങൾ കൂടി കണ്ടെത്തിയിരുന്നു.
ദിലീപ് ബിൽഡ് കോൺ എന്ന കരാർ കമ്പനിയുടെ തൊഴിലാളികളാണ് അപകടത്തിൽപ്പെട്ടത്. കള്ളാടി- ആനക്കാംപൊയിൽ തുരങ്കപാത നിർമ്മാണവുമായി ബന്ധപ്പെട്ട് പ്രവർത്തിക്കുന്നവരായിരുന്നു ഇവർ.
ആശുപത്രിയിൽ ചികിത്സയിൽ കഴിയുന്ന രണ്ടുപേരുടെ ആരോഗ്യനില അതീവ ഗുരുതരമായി തുടരുകയാണെന്ന് അധികൃതർ അറിയിച്ചു. ദുരന്തബാധിത പ്രദേശത്ത് മന്ത്രിമാരായ എ.പി അനിൽകുമാർ, അഡ്വ.
ടി. സിദ്ദീഖ് എന്നിവർ നേരിട്ടെത്തി തെരച്ചിൽ നടപടികൾക്ക് നേതൃത്വം നൽകുന്നുണ്ട്.
പദ്ധതിയുടെ മേൽനോട്ടം വഹിക്കുന്ന കൊങ്കൺ റെയിൽ കോർപറേഷൻ ഉദ്യോഗസ്ഥർ ഇന്ന് സംഭവസ്ഥലം സന്ദർശിക്കും. അതേസമയം, സർക്കാർ പ്രഖ്യാപിച്ച ഇരട്ട
അന്വേഷണത്തിന്റെ നടപടിക്രമങ്ങളിൽ ഇതുവരെ വ്യക്തത കൈവന്നിട്ടില്ല. വിഷയത്തിൽ പഠനം നടത്തുന്നതിനുള്ള വിദഗ്ധ സമിതിയെ ഇന്ന് പ്രഖ്യാപിക്കുമെന്നാണ് സൂചന.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
