കോഴിക്കോട് ജില്ലയിലെ കൊടിയത്തൂർ പഞ്ചായത്തിൽപ്പെട്ട പന്നിക്കോട് പ്രദേശത്ത് വഴിതർക്കവുമായി ബന്ധപ്പെട്ട
തർക്കത്തിനിടെ യുവാവിന് വെട്ടേറ്റു. പന്നിക്കോട് കുഴിയിൽ അനൂപ്(40) എന്ന വ്യക്തിക്കാണ് ആക്രമണത്തിൽ പരിക്കേറ്റത്.
സംഭവവുമായി ബന്ധപ്പെട്ട് ഇദ്ദേഹത്തിന്റെ ബന്ധുവും തെങ്ങുകയറ്റ തൊഴിലാളിയുമായ ദേവദാസനെ മുക്കം പോലീസ് കസ്റ്റഡിയിലെടുത്തു. ഇന്ന് വൈകീട്ടോടെ പന്നിക്കോട് അങ്ങാടിക്ക് സമീപമായിരുന്നു സംഭവം നടന്നത്.
മുൻകാലം മുതൽ തന്നെ ഇവരുമായി ബന്ധപ്പെട്ട് വഴിതർക്കങ്ങൾ നിലനിന്നിരുന്നു. ഈ തർക്കം ഇന്ന് വൈകീട്ടും ഇരുവർക്കുമിടയിൽ വാക്കുതർക്കത്തിന് വഴിവെച്ചു.
തുടർന്ന് പ്രകോപിതനായ ദേവദാസൻ, താൻ ഉപയോഗിക്കുന്ന തെങ്ങുകയറ്റത്തിനുള്ള കത്തി ഉപയോഗിച്ച് അനൂപിനെ വെട്ടിപ്പരിക്കേൽപ്പിക്കുകയായിരുന്നു എന്നാണ് പ്രാഥമിക റിപ്പോർട്ടുകൾ വ്യക്തമാക്കുന്നത്. ഗുരുതരമായി പരിക്കേറ്റ അനൂപിനെ നാട്ടുകാർ ഉടൻ തന്നെ ആശുപത്രിയിൽ എത്തിച്ചു.
നിലവിൽ ഇദ്ദേഹം കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്. സംഭവത്തിൽ പോലീസ് തുടർനടപടികൾ സ്വീകരിച്ചുവരികയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
