കുവൈത്തിൽ തൊഴിൽ മേഖലകൾ മാറിയുള്ള വിസ മാറ്റത്തിനുള്ള ഇളവ് കാലാവധി അവസാനിച്ചു

കുവൈത്തിൽ വിവിധ തൊഴിൽ മേഖലകളിൽ ജോലി ചെയ്തിരുന്ന പ്രവാസികൾക്ക് മറ്റ് മേഖലകളിലേക്ക് വിസ മാറുന്നതിനായി അനുവദിച്ചിരുന്ന പ്രത്യേക ഇളവ് കാലാവധി അവസാനിച്ചതായി കുവൈത്ത് പബ്ലിക് അതോറിറ്റി ഫോർ മാൻപവർ അറിയിച്ചു. മുൻപ് വിസ മാറ്റത്തിന് കർശനമായ നിയന്ത്രണങ്ങൾ നിലനിന്നിരുന്ന സാഹചര്യത്തിലാണ് അധികൃതർ ഈ ആനുകൂല്യം പ്രഖ്യാപിച്ചത്.

ഈ കാലയളവിൽ ആകെ 27,141 വിദേശ തൊഴിലാളികളാണ് തങ്ങളുടെ വിസ മറ്റ് മേഖലകളിലേക്ക് വിജയകരമായി മാറ്റിയത്. 2026-ലെ രണ്ടാം നമ്പർ മന്തിതല പ്രമേയത്തിന്റെ അടിസ്ഥാനത്തിൽ നടപ്പിലാക്കിയ ഈ താൽക്കാലിക ഇളവ് 2026 മേയ് 1 മുതൽ ജൂൺ 30 വരെയാണ് പ്രാബല്യത്തിലുണ്ടായിരുന്നത്.

വിവിധ മേഖലകളിൽ നിന്നുള്ള കണക്കുകൾ താഴെ പറയുന്നവയാണ്: ചെറുകിട-ഇടത്തരം സംരംഭങ്ങൾ: 16,048 തൊഴിലാളികൾ
കാർഷിക മേഖല: 4,460 തൊഴിലാളികൾ
വ്യവസായ മേഖല: 3,300 തൊഴിലാളികൾ
മേച്ചിൽ/വളർത്തുമൃഗ പരിപാലന മേഖല: 3,087 തൊഴിലാളികൾ
മത്സ്യബന്ധന മേഖല: 246 തൊഴിലാളികൾ തൊഴിൽ വിപണിയിലെ ആവശ്യങ്ങൾ പരിഹരിക്കുന്നതിലും വിപണിയുടെ സ്ഥിരത ഉറപ്പാക്കുന്നതിലും ഈ തീരുമാനം വലിയ പങ്കുവഹിച്ചതായി അധികൃതർ വ്യക്തമാക്കി. പൊതുതാൽപ്പര്യം മുൻനിർത്തിയും തൊഴിൽ വിപണിയിലെ നിയന്ത്രണങ്ങൾ കൂടുതൽ കാര്യക്ഷമമാക്കുന്നതിനും രാജ്യത്തിന്റെ വികസന ആവശ്യങ്ങൾക്ക് അനുസൃതമായി വഴക്കം ഉറപ്പാക്കുന്നതിനുമുള്ള സർക്കാർ നിർദ്ദേശങ്ങൾക്ക് വിധേയമായാണ് ഈ നടപടി സ്വീകരിച്ചത്.

രാജ്യത്തിന്റെ സാമ്പത്തിക മുൻഗണനകൾക്ക് അനുസൃതമായി തൊഴിൽ വിഭജനം ഉറപ്പാക്കാനും വർക്ക് ഫോഴ്സ് മാനേജ്മെന്റ് കാര്യക്ഷമമാക്കാനുമുള്ള ശ്രമങ്ങളുടെ ഭാഗമാണ് ഈ പദ്ധതിയെന്നും കുവൈത്ത് പബ്ലിക് അതോറിറ്റി ഫോർ മാൻപവർ അറിയിച്ചു.