ബെംഗളൂരു ജെ.പി. നഗറിൽ കുപ്രസിദ്ധ ഗുണ്ടാനേതാവ് രാജ വെട്ടേറ്റു മരിച്ചു.
നഗരമധ്യത്തിൽ വച്ച് അജ്ഞാത സംഘം ഇയാളെ വെട്ടിക്കൊലപ്പെടുത്തുകയായിരുന്നു. ക്വട്ടേഷൻ സംഘങ്ങൾ തമ്മിലുള്ള കുടിപ്പകയാണ് കൊലപാതകത്തിന് പിന്നിലെന്ന് പ്രാഥമിക അന്വേഷണത്തിൽ പൊലീസ് സംശയിക്കുന്നു.
ജൂൺ 30, 2026-ന് നടന്ന സംഭവം സംബന്ധിച്ച് പൊലീസ് നൽകുന്ന വിവരങ്ങൾ ഇങ്ങനെ: തെക്കൻ ബെംഗളൂരു കേന്ദ്രീകരിച്ച് നടന്നുവരുന്ന ഗുണ്ടാ പ്രവർത്തനങ്ങളിലെ പ്രധാന കണ്ണിയാണ് കൊല്ലപ്പെട്ട രാജ.
ചായ കുടിക്കാനായി റോഡരികിലൂടെ നടന്നുപോവുകയായിരുന്ന ഇയാളെ നാലംഗ സംഘം വളഞ്ഞിട്ട് ആക്രമിക്കുകയായിരുന്നു. സംഭവത്തിന്റെ സിസിടിവി ദൃശ്യങ്ങൾ ഇതിനകം പുറത്തുവന്നിട്ടുണ്ട്.
നടുറോഡിലിട്ട് അക്രമിസംഘം രാജയെ വെട്ടിക്കൊലപ്പെടുത്തുന്നത് ദൃശ്യങ്ങളിൽ വ്യക്തമാണ്. കൃത്യം നിർവഹിച്ച ശേഷം അക്രമികൾ ഒരു ടാക്സി കാറിൽ കയറി രക്ഷപ്പെടുന്നതും ദൃശ്യങ്ങളിൽ കാണാം.
പ്രതികളെ ഉടൻ പിടികൂടുന്നതിനായി പോലീസ് പ്രത്യേക അന്വേഷണ സംഘത്തെ നിയോഗിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
