നീറ്റ്-യുജി (NEET-UG) പുനഃപരീക്ഷ നടത്തുന്നതിനെതിരെ സുപ്രീംകോടതിയിൽ പൊതുതാൽപര്യ ഹർജി സമർപ്പിക്കപ്പെട്ടു. ഏകദേശം 22 ലക്ഷത്തോളം വിദ്യാർഥികളെ വീണ്ടും പരീക്ഷ എഴുതിക്കാനുള്ള തീരുമാനം ഏകപക്ഷീയമാണെന്ന് ഹർജിയിൽ ചൂണ്ടിക്കാട്ടുന്നു.
ഈ ഹർജി കോടതി നാളെ പരിഗണിക്കും. ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ചാണ് വിഷയം പരിശോധിക്കുന്നത്.
അതേസമയം, പരീക്ഷയ്ക്ക് മുൻപായി ചോദ്യപേപ്പർ ആർക്കും ലഭ്യമല്ലെന്ന് ദേശീയ പരീക്ഷാ ഏജൻസി (NTA) വ്യക്തമാക്കി. ചോദ്യപേപ്പർ നൽകാമെന്ന വാഗ്ദാനമോ വ്യാജ വെബ്സൈറ്റുകളോ ശ്രദ്ധയിൽപ്പെട്ടാൽ അടിയന്തരമായി റിപ്പോർട്ട് ചെയ്യണമെന്നും NTA അറിയിച്ചിട്ടുണ്ട്.
ഇതിനിടയിൽ, പുനഃപരീക്ഷ മാറ്റിവെക്കണമെന്നാവശ്യപ്പെട്ട് വിദ്യാർഥികൾ വിദ്യാഭ്യാസ മന്ത്രാലയത്തിനും NTA-യ്ക്കും നിവേദനം നൽകിയിട്ടുണ്ട്. പരീക്ഷ നടത്തിപ്പിലെ സുതാര്യതയും വിദ്യാർഥികളുടെ ആശങ്കയും കണക്കിലെടുത്താണ് ഹർജികളും നിവേദനങ്ങളും സമർപ്പിക്കപ്പെട്ടത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
