ഫിഫ ലോകകപ്പ് 2026 ഗ്രൂപ്പ് ഘട്ടത്തിലെ ആദ്യ മത്സരത്തിൽ കരുത്തരായ ബ്രസീലിനെ സമനിലയിൽ തളച്ച് മൊറോക്കോ ശ്രദ്ധേയമായ പ്രകടനം കാഴ്ചവെച്ചു. ഇരു ടീമുകളും ഓരോ ഗോൾ വീതം നേടി പോയിന്റുകൾ പങ്കുവെച്ചു.
മത്സരത്തിന്റെ തുടക്കം മുതൽ തന്നെ ആക്രമിച്ച് കളിച്ച മൊറോക്കോയ്ക്ക് വേണ്ടി 21-ാം മിനിറ്റിൽ ഇസ്മായിൽ സായിബാരി ആണ് ആദ്യ ഗോൾ നേടിയത്. മത്സരത്തിന്റെ 14-ാം മിനിറ്റിൽ ബ്രസീലിന് ലഭിച്ച സുവർണ്ണാവസരം പാഴായെങ്കിലും, വൈകാതെ തന്നെ അവർ തിരിച്ചടിച്ചു.
32-ാം മിനിറ്റിൽ ബ്രസീലിന്റെ പ്രമുഖ താരം വിനീഷ്യസ് ജൂനിയർ നേടിയ ഗോളിലൂടെ മത്സരം സമനിലയിലായി. ആദ്യ പകുതിയിൽ ഇരു ടീമുകളും ആക്രമണങ്ങൾ അഴിച്ചുവിട്ടെങ്കിലും രണ്ടാം പകുതിയിൽ കാര്യമായ മുന്നേറ്റങ്ങൾ സൃഷ്ടിക്കുന്നതിൽ ഇരുഭാഗത്തും വീഴ്ച പറ്റി.
മത്സരത്തിൽ കൂടുതൽ ഗോളുകൾ നേടാനുള്ള അവസരങ്ങൾ ലഭിച്ചെങ്കിലും അവ ഗോളാക്കി മാറ്റാൻ ഇരു ടീമുകൾക്കും സാധിച്ചില്ല. ആദ്യ മത്സരത്തിലെ ഈ പ്രകടനം ടീമിന്റെ ആത്മവിശ്വാസം വർധിപ്പിച്ചിട്ടുണ്ടെന്നും മികച്ച രീതിയിൽ തന്നെ കളിക്കാൻ സാധിച്ചുവെന്നുമാണ് കേരളത്തിലെ ബ്രസീൽ ആരാധകർക്കിടയിൽ നിന്നും ഉയരുന്ന അഭിപ്രായം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
