യുഡിഎഫിന്റെ തിരഞ്ഞെടുപ്പ് വാഗ്ദാനങ്ങളുടെ ഭാഗമായി കെഎസ്ആർടിസി ഓർഡിനറി ബസുകളിൽ സ്ത്രീകൾക്കായി സൗജന്യ യാത്ര ഏർപ്പെടുത്താനുള്ള നടപടികൾക്ക് കോഴിക്കോട് ജില്ലയിൽ തുടക്കമാകുന്നു. 15 മുതൽ ജില്ലയിലെ തിരഞ്ഞെടുക്കപ്പെട്ട
149 ഓർഡിനറി ബസുകളിലാണ് ഈ ആനുകൂല്യം ലഭ്യമാകുക. ജില്ലയ്ക്കു പുറത്തേക്കുള്ള സർവീസുകളിലും സ്ത്രീകൾക്ക് സൗജന്യമായി യാത്ര ചെയ്യാൻ സാധിക്കും.
പ്രധാന ഡിപ്പോകളിലെ ക്രമീകരണം
കോഴിക്കോട്, താമരശ്ശേരി, വടകര, തൊട്ടിൽപാലം, തിരുവമ്പാടി എന്നീ ഡിപ്പോകളെ കേന്ദ്രീകരിച്ചാണ് പദ്ധതി നടപ്പിലാക്കുന്നത്. കോഴിക്കോട് ഡിപ്പോയിൽ നിന്ന് മാത്രം 31 ഓർഡിനറി ബസുകൾ ഈ പദ്ധതിയുടെ ഭാഗമായി സർവീസ് നടത്തും.
ഇവ മലപ്പുറം, പാലക്കാട്, കണ്ണൂർ, വയനാട്, തിരുവമ്പാടി, മുക്കം, തൊട്ടിൽപാലം തുടങ്ങിയ ലക്ഷ്യസ്ഥാനങ്ങളിലേക്ക് ഏകദേശം 120 ട്രിപ്പുകൾ പൂർത്തിയാക്കുന്നു. താമരശ്ശേരിയും തിരുവമ്പാടിയും
താമരശ്ശേരി ഡിപ്പോയിൽ നിന്നുള്ള 38 ഓർഡിനറി ബസുകൾ പദ്ധതിയിൽ ഉൾപ്പെടുന്നു.
ഇതിൽ 25 എണ്ണം കോഴിക്കോട് റൂട്ടിലാണ് സർവീസ് നടത്തുന്നത്. കൂടാതെ അടിവാരം, കൂരച്ചുണ്ട്, വയലട, വേനക്കാവ്, തലയാട്, തുഷാരഗിരി, കൂരോട്ടുപാറ, കൊയിലാണ്ടി, പെരിന്തൽമണ്ണ തുടങ്ങിയ സ്ഥലങ്ങളിലേക്കും ഈ ബസുകൾ സർവീസ് നടത്തുന്നുണ്ട്.
തിരുവമ്പാടി ഡിപ്പോയിൽ നിന്നുള്ള 29 ബസുകൾ ആനക്കാംപൊയിൽ, കക്കാടംപൊയിൽ, കോഴിക്കോട്, മലപ്പുറം, പൂവാറൻതോട്, ബത്തേരി, കണ്ണൂർ, പാലക്കാട് എന്നിവിടങ്ങളിലേക്കും സർവീസ് നടത്തും. വടകരയും തൊട്ടിൽപാലവും
തൊട്ടിൽപാലം ഡിപ്പോയിൽ നിന്ന് 30 ബസുകളും വടകര ഡിപ്പോയിൽ നിന്ന് 21 ബസുകളും പദ്ധതിയുടെ ഭാഗമായി ഓർഡിനറി സർവീസുകളിൽ സ്ത്രീകൾക്ക് സൗജന്യ യാത്ര സൗകര്യം ഒരുക്കുന്നുണ്ട്.
വടകരയിൽ നിന്നുള്ള ബസുകളിൽ ഭൂരിഭാഗവും തൊട്ടിൽപാലം റൂട്ടിലാണ് സർവീസ് നടത്തുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
