ചെങ്ങന്നൂർ (ആലപ്പുഴ): പമ്പയാറ്റിൽ ചാക്കിൽ കെട്ടിയ നിലയിൽ മനുഷ്യന്റെ തലയോട്ടി കണ്ടെത്തി. കല്ലിശ്ശേരി റെയിൽവേ പാലത്തിന് താഴെ ഭാഗത്തുനിന്നാണ് സംശയാസ്പദമായ സാഹചര്യത്തിൽ ചാക്ക് കണ്ടെത്തിയത്.
ജൂൺ 02, 2026 വൈകിട്ട് മൂന്ന് മണിയോടെയായിരുന്നു സംഭവം. ഈ ഭാഗത്ത് ചൂണ്ടയിടാനായി എത്തിയവർക്ക്, തങ്ങളുടെ ചൂണ്ടയിൽ കുടുങ്ങിയ നിലയിൽ ചാക്ക് ലഭിക്കുകയായിരുന്നു.
സംശയം തോന്നിയ ഇവർ ചാക്ക് കരയ്ക്ക് എത്തിച്ച് പരിശോധിച്ചപ്പോഴാണ് ഉള്ളിൽ തലയോട്ടിയും ചില തുണിക്കഷ്ണങ്ങളും ശ്രദ്ധയിൽപ്പെട്ടത്. സംഭവത്തെ തുടർന്ന് പോലീസ് ഉൾപ്പെടെയുള്ള ഉദ്യോഗസ്ഥർക്ക് വിവരം കൈമാറി.
പ്രദേശത്ത് പോലീസ് പരിശോധന നടത്തിവരികയാണ്.
