കർണാടകയുടെ പുതിയ മുഖ്യമന്ത്രിയായി ഡി കെ ശിവകുമാർ നാളെ അധികാരമേൽക്കും. ഔദ്യോഗികമായി നടക്കുന്ന സത്യപ്രതിജ്ഞാ ചടങ്ങിൽ മുഖ്യമന്ത്രിക്ക് പുറമെ പതിനൊന്ന് മന്ത്രിമാരും തൽസ്ഥാനത്ത് ചുമതലയേൽക്കുമെന്നാണ് ലഭ്യമാകുന്ന വിവരം.
പുതിയ മന്ത്രിസഭയിലെ പ്രാതിനിധ്യം സംബന്ധിച്ച അന്തിമ പട്ടികയിൽ കോൺഗ്രസ് അധ്യക്ഷൻ മല്ലികാർജുൻ ഖർഗെയുടെ മകൻ പ്രിയങ്ക് ഖർഗെയും, മുൻ മുഖ്യമന്ത്രി സിദ്ധരാമയ്യയുടെ മകൻ യതീന്ദ്ര സിദ്ധരാമയ്യയും ഉൾപ്പെട്ടിട്ടുണ്ട്. കേരളത്തിന് ഏറെ ശ്രദ്ധേയമായ തീരുമാനമെന്ന നിലയിൽ രണ്ട് മലയാളി നേതാക്കൾ മന്ത്രിസഭയിൽ ഇടംപിടിച്ചിട്ടുണ്ട്.
കെ ജെ ജോർജ്, യു ടി ഖാദർ എന്നിവരാണ് നാളെ സത്യപ്രതിജ്ഞ ചെയ്യുന്ന മലയാളി മുഖങ്ങൾ. ഇവർക്ക് പുറമെ ജി പരമേശ്വര, സതീഷ് ജാർക്കിഹോളി, എം ബി പാട്ടീൽ, ഈശ്വർ ഖന്ദ്രേ, രാമലിംഗ റെഡ്ഡി, ശിവരാജ് തങ്കടഗി, രൂപാ ശശിധർ എന്നിവരും നാളെ മന്ത്രിമാരായി സത്യപ്രതിജ്ഞ ചെയ്യും.
നീണ്ട ചർച്ചകൾക്കും അഭിപ്രായ ഭിന്നതകൾക്കും ശേഷം ഭരണത്തുടർച്ചയും അധികാര കൈമാറ്റവും സുഗമമാക്കുന്നതിന്റെ ഭാഗമായാണ് ആദ്യഘട്ട
മന്ത്രിസഭാ പട്ടിക തയ്യാറാക്കിയിരിക്കുന്നത്. നാളെ വൈകിട്ട് നടക്കുന്ന ചടങ്ങോടെ പുതിയ സർക്കാർ ഭരണനിർവ്വഹണം ആരംഭിക്കും.
അതേസമയം, ഈ മാസം 18-ന് നടക്കാനിരിക്കുന്ന രാജ്യസഭ തെരഞ്ഞെടുപ്പിന് ശേഷം മന്ത്രിസഭ കൂടുതൽ വിപുലീകരിക്കാനാണ് കോൺഗ്രസ് നേതൃത്വത്തിന്റെ തീരുമാനം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
